Schalke kom til baka og komast áfram á útivallarmörkum | Átta liđa úrslit Evrópudeildarinnar klár

 
Fótbolti
22:15 16. MARS 2017
Benedikt Hoewedes og félagar í liđi Schalke fagna sćtinu í átta liđa úrslitunum.
Benedikt Hoewedes og félagar í liđi Schalke fagna sćtinu í átta liđa úrslitunum. VÍSIR/GETTY

Það er klárt hvaða lið komast í átta liða úrslit Evrópudeildarinnar í ár en það varð endanlega ljóst eftir leiki kvöldsins en þá fóru fram seinni leikir sextán liða úrslitanna.

Enska liðið Manchester United, hollenska liðið Ajax og franska liðið Lyon voru meðal þeirra liða sem komust áfram en mikið gekk á í slag þýsku liðanna Mönchengladbach og Schalke.

Roma vann Lyon 2-1 á heimavelli í kvöld en það dugði skammt því franska liðið vann 5-4 samanlagt. Ítalska liðið pressaði í lokin en náði ekki markinu sem hefði komið liðinu áfram.

Hollenska liðið Ajax sló út danska liðið FC Kaupmannahöfn eftir 2-0 sigur í kvöld en Ajax vann 3-2 samanlagt. Það var hinn efnilegi Dani Kasper Dolberg sem skoraði markið sem sendi landa hans út úr keppninni.

Schalke lenti 2-0 undir í fyrri hálfleik en kom til baka á útivelli á móti Mönchengladbach og tryggði sér 2-2 jafntefli. Mörkin dugðu Schalke sem komast áfram á fleiri mörkum skoruðum á útivelli.

Juan Mata tryggði Manchester United sigur og sæti í átta liða úrslitunum með því að skora eina markið á 70. mínútu. United vann samanlagt 2-1.


Úrslitin í sextán liða úrslitum Evrópudeildarinnar:

Krasnodar - Celta 0-2 (samanlagt: 1-4)
0-1 Hugo Mallo (52.), 0-2 Iago Aspas (80.)

Besiktas - Olympiakos 4-1 (samanlagt: 5-2)
1-0 Vincent Aboubakar (10.), 2-0 Ryan Babel (22.), 2-1 Tarik Elyounoussi (31.), 3-1 Ryan Babel (75.), 4-1 Cenk Tosun (84.)

Genk - Gent 1-1 (samanlagt: 6-3)
1-0 Timothy Castagne (20.), 1-1 Louis Verstraete (84.)

Anderlecht - APOEL 1-0 (samanlagt: 2-0)
1-0 Frank Acheampong (65.).

Roma - Lyon 2-1 (samanlagt: 4-5)
0-1 Mouctar Diakhaby (16.), 1-1 Kevin Strootman (17.), 2-1 Sjálfsmark (60.).

Ajax - FC Kaupmannahöfn 2-0 (samanlagt: 3-2)
1-0 Bertrand Traoré (23.), 2-0 Kasper Dolberg (45.+3).

Mönchengladbach - Schalke 2-2 (samanlagt: 3-3, Schalke á útivallarmörkum)
1-0 Andreas Christensen (26.), 2-0 Mahmoud Dahoud (45.+2), 2-1 Leon Goretzka (54.), 2-2 Nabil Bentaleb (68.).

Man. United - Rostov 1-0 (samanlagt: 2-1)
1-0 Juan Mata (70.).


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Schalke kom til baka og komast áfram á útivallarmörkum | Átta liđa úrslit Evrópudeildarinnar klár
Fara efst