Innlent

Sandur og salt fyrir íbúa í Reykjavík

Stefán Árni Pálsson skrifar
Íbúar eru hvattir til að hafa með sér ílát en einnig er mögulegt að fá poka á staðnum til að moka í.
Íbúar eru hvattir til að hafa með sér ílát en einnig er mögulegt að fá poka á staðnum til að moka í. vísir/vilhelm
Eins og undanfarin ár eiga íbúar þess kost að sækja sér salt og sand á hverfastöðvar og verkbækistöðvar Reykjavíkurborgar til að bæta öryggi á gönguleiðum í sínu nágrenni og heimkeyrslum.

Salt og sandur er aðgengilegt fyrir íbúa á eftirfarandi stöðum:

• Hverfasstöðinni við Njarðargötu,

• Hverfastöðinni í Jafnaseli,

• Hverfastöðinni á Kjalarnesi,

• Verkbækistöðinni við Árbæjarblett og

• Verkbækistöðinni á Klambratúni við Flókagötu.

Hverfastöðvarnar eru opnar mánudaga til fimmtudaga frá kl. 7:30 – 17:00 og föstudaga kl. 7:30 – 15:25, en verkbækistöðvarnar eru opnar frá kl. 7:30-17:25 mánudaga til miðvikudaga og kl. 7:30 – 15:25 á fimmtudögum og föstudögum.

Íbúar eru hvattir til að hafa með sér ílát en einnig er mögulegt að fá poka á staðnum til að moka í. Skóflur eru við sand- og salthrúgurnar á ofantöldum stöðum.




Fleiri fréttir

Sjá meira


×