Sandra um kaupver­i­: ╔g pŠli ekkert Ý ■vÝ

 
Fˇtbolti
12:00 01. MARS 2016

Íslenska kvennalandsliðið í fótbolta hefur leik á Algarve-mótinu á morgun þegar liðið mætir Belgíu í fyrsta leik A-riðils.

Stelpurnar okkar eru einnig í riðli með Danmörku og Kanada, en nokkrar af bestu þjóðum heims vantar á mótið í ár þar sem þær eru uppteknar í forkeppni Ólympíuleikana.

Sandra Sigurðardóttir, markvörður Vals, er í íslenska hópnum að vanda, en Sandra yfirgaf Stjörnuna og gekk í raðir Hlíðarendafélagsins í byrjun síðasta mánaðar.

Sandra, sem hóf sinn feril með liði Þór/KA/KS, gekk í raðir Stjörnunar 2005 og hefur undanfarinn áratug verið einn albesti markvörður Pepsi-deildar kvenna.

Samkvæmt frétt Fótbolti.net kostaði hún Valsmenn tvær milljónir króna, en fáheyrt er að leikmaður sem keyptur fyrir slíka upphæð í kvennaboltanum.

„Ég er mjög sátt við að hafa tekið þessa ákvörðun og að þetta hafi gengið í gegn,“ segir Sandra um vistaskiptin í viðtali við SportTV á Portúgal, en hvað hefur hún að segja um kaupverðið?

„Ég pæli ekkert í því. Ég hugsaði bara um að þetta myndi leysast og ég gæti farið að spila fótbolta aftur. Eftir að ég tek ákvörðun um að vilja fara kemur þetta upp og mér leist vel á það.“

Sandra fagnar því eðlilega að vera með stelpunum á Algarve en þar getur liðið æft og spilað við bestu aðstæður.

„Það er gulrót á veturnar að koma hingað og mótið hjálpar rosalega mikið andlega og líkamlega. Hér fáum við að vera á grasi við topp aðstæður. Það er gott að rífa sig frá slorinu heima,“ segir Sandra Sigurðardóttir.

Allt viðtalið má sjá í spilaranum hér að ofan.


Deila
Athugi­. Allar athugasemdir eru ß ßbyrg­ ■eirra er ■Šr rita. VÝsir hvetur lesendur til a­ halda sig vi­ mßlefnalega umrŠ­u. Einnig ßskilur VÝsir sÚr rÚtt til a­ fjarlŠgja Šrumei­andi e­a ˇsŠmilegar athugasemdir.

 

MEST LESIđ

  • Nřjast ß VÝsi
  • Mest Lesi­
  • FrÚttir
  • Sport
  • Vi­skipti
  • LÝfi­
ForsÝ­a / Sport / Fˇtbolti / Sandra um kaupver­i­: ╔g pŠli ekkert Ý ■vÝ
Fara efst