Fótbolti

Sanchez sagður á leið til Juventus

Eiríkur Stefán Ásgeirsson skrifar
Vísir/Getty
Ítalskir fjölmiðlar fullyrtu í gær að Sílemaðurinn Alexis Sanchez væri aftur á leið til Ítalíu.

Sanchez mun hafa komist að samkomulagi um að ganga til liðs við Ítalíumeistara Juventus en hann kom til Barcelona frá Udinese árið 2011.

Félagaskiptabann Barcelona gæti þó sett strik í reikninginn en forráðamenn Börsunga vonast til að því verði aflétt. Það er þó talið að Gerard Deulofeu, sem er nú lánsmaður hjá Everton, gæti fyllt í skarð Sanchez á næstu leiktíð.

Sanchez er 25 ára gamall og hefur skorað sautján mörk í 39 leikjum með Barcelona á þessari leiktíð.




Fleiri fréttir

Sjá meira


×