Innlent

Samkeppni um bestu jólaljósmyndina

Tinni Sveinsson skrifar
Verðlaunaljósmyndin í fyrra var af Skarðshyrnu.
Verðlaunaljósmyndin í fyrra var af Skarðshyrnu. Vísir/Jón Hilmarsson
Fréttablaðið og Vísir blása til samkeppni um bestu jólaljósmyndina.

Í verðlaun fyrir bestu myndina er glæsileg Nikon 1S1 myndavél frá Heimilistækjum. Besta myndin verður einnig á forsíðu Fréttablaðsins á aðfangadag og fleiri myndir úr keppninni birtast í blaðinu og hér á Vísi.

Þátttakendur hlaða upp myndum sínum á síðunni ljosmyndaleikur.visir.is. Innsendar myndir birtast hér á Vísi og lesendur geta kosið bestu myndina. Niðurstaðan í kosningunni gildir helming á móti áliti dómnefndar blaðsins.

Einnig er hægt að senda myndir í keppnina með tölvupósti á netfangið ritstjorn@visir.is og þær verða settar inn í kerfið.

Nikon 1S1.
Hver þátttakandi skal senda inn eina mynd og skal hún hafa verið tekin nú í aðdraganda jólanna. Óheimilt er að senda inn eða eigna sér ljósmyndir sem aðrir en sendandi hafa tekið. Myndinni þurfa að fylgja nafn höfundar og upplýsingar um heimilisfang, netfang og símanúmer.

Jólaljósmyndakeppnin stendur frá deginum í dag, 16. desember, fram að miðnætti sunnudaginn 21. desember. Tilkynnt verður um úrslit á aðfangadag.

Nánari upplýsingar um Nikon 1S1 vélina er að finna hér á vef Heimilistækja.




Fleiri fréttir

Sjá meira


×