LAUGARDAGUR 27. ÁGÚST NÝJAST 11:15

Rófan nefnd appelsína norđursins

LÍFIĐ

Samfylking eins og maki á leiđ í međferđ

 
Innlent
07:00 04. FEBRÚAR 2016
Árni Páll Árnason var kjörinn formađur á landsfundi Samfylkingarinnar 2013. Hann er ákveđinn í ţví ađ bjóđa sig fram ađ nýju.
Árni Páll Árnason var kjörinn formađur á landsfundi Samfylkingarinnar 2013. Hann er ákveđinn í ţví ađ bjóđa sig fram ađ nýju.

„Maður verður bara að treysta því að menn geti hamið sig í hnífunum,“ segir Árni Páll Árnason, formaður Samfylkingarinnar, þar sem hann var staddur í Vestmannaeyjum í gær og þar með ófær um að mæta á þingflokksfund. Ástandið innan þingflokksins er sérstaklega slæmt að mati þingmanna innan flokks sem utan.

Árni segir hins vegar að ástandið hafi aldrei snúist um sig og sína per­sónu og tekur því ekki nærri sér þó aðrir séu orðaðir við formannssætið. „Það væri nú eitthvað að ef enginn vildi vera formaður í Samfylkingunni,“ segir Árni. Hann hyggst bjóða sig fram til formanns að nýju þegar landsfundur fer fram. Samflokksmaður Árna sagði í samtali við Fréttablaðið að Árni liti svo á að ekki mætti bola honum úr embætti.


Magnús Orri Schram
Magnús Orri Schram

Og það eru sannarlega fleiri sem vilja vera formenn flokksins. Helgi Hjörvar þingmaður hélt samkvæmi fyrir lokaðan hóp samfylkingarfólks í Reykjavík þann 15. janúar síðastliðinn. Athygli vakti að þingmenn voru ekki í samkvæminu en þó var nokkuð vel mætt af fólki.

Helgi stofnaði líka nýlega Face­book-síðu fyrir sjálfan sig sem opinber persóna svo stuðningsmenn geti lækað hann. Þingmenn annarra flokka tóku svo eftir því að Helgi fundaði með Hrannari B. Arnarssyni, fyrrverandi aðstoðarmanni Jóhönnu Sigurðardóttur, í Alþingishúsinu á þriðjudag. Þá þótti ljóst að Helga væri ekki í mun að fela formannsbuxurnar.


Helgi Hjörvar
Helgi Hjörvar

Þingmaður Vinstri grænna, sem ekki vildi láta nafns síns getið, sagði að það hefði verið subbuskapur hjá Helga Hjörvar og Sigríði Ingibjörgu Ingadóttur að leggja fram frumvarp um afnám verðtryggingar þann 21. janúar síðastliðinn. Helgi Hjörvar væri formaður þingflokks Samfylkingarinnar og það tíðkaðist ekki í því embætti að leggja fram mál þvert gegn vilja formanns flokksins. Þessir tveir formenn verði að dansa í takt og framlagningin hafi sýnt að engin virðing sé borin fyrir Árna Páli sem formanni flokksins.

Heimildir Fréttablaðsins herma hins vegar að það hafi verið viðbrögð Árna sem komu á óvart. Málið hafi verið þaulrætt í þingflokki Samfylkingar og þingmönnunum gefið leyfi til að leggja frumvarpið fram. Þegar Árni lagðist hart gegn frumvarpinu í fjölmiðlum hafi það komið þingmönnunum tveimur í opna skjöldu.


Össur Skarphéđinsson
Össur Skarphéđinsson

Þingmenn VG segja að fyrir nokkrum misserum hafi farið fram samtal á milli flokkanna á vinstrivængnum um aukið samstarf. Þá hafi það helst verið Samfylking sem ekki vildi ræða samstarf eða sameiningu í krafti stöðu sinnar sem stærsti flokkurinn. Nú sé komið annað hljóð í strokkinn en þingmönnum vinstri vængsins þyki tal um sameiningu nú hjákátlegt. Einn orðaði það svo: „Samstarf væri eins og að reyna að lappa upp á hjónaband þar sem annar aðilinn er veikur og þarf nauðsynlega í meðferð.“


Anna Pála Sverrisdóttir
Anna Pála Sverrisdóttir

Þessi hafa verið nefnd
Magnús Orri Schram, fyrrverandi þingmaður, er það nafn sem flestir virðast spenntir fyrir í formannsembættið eftir því sem Fréttablaðið kemst næst. Hann nýtur mikils stuðnings innan Ungra jafnaðarmanna og Kragans. Horft er til Magnúsar sem fersks andblæs af þeim sem ekki geta hugsað sér neinn sitjandi þingmann í formannsembættið.

Össur Skarphéðinsson er talinn hafa tvö plott í gangi. Annað snýst um að verða forseti og hitt formaður Samfylkingarinnar. Það gæti hæglega unnið gegn honum ef fólk veit ekki í hvorn fótinn hann ætlar að stíga.

Anna Pála Sverrisdóttir, fyrrverandi formaður Ungra jafnaðarmanna, er vonarstjarna innan flokksins. Hún fékk eitt atkvæði í formannsembættið á síðasta landsfundi flokksins sem jafnvel var atkvæðið sem skildi á milli Árna Páls Árnasonar og Sigríðar Ingibjargar Ingadóttur.


Fylgi Samfylkingar síđasta áriđ.
Fylgi Samfylkingar síđasta áriđ.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Samfylking eins og maki á leiđ í međferđ
Fara efst