Sameinumst um aðstoð við Sýrlendinga Stuart Gill skrifar 4. febrúar 2016 07:00 Nú þegar líður að því að fimm ár séu liðin frá því að borgarastyrjöld braust út í Sýrlandi heldur alvarlegasti mannlegi harmleikur samtímans áfram, en um 250 þúsund mannslíf hafa tapast í Sýrlandsstríðinu fram til þessa. Alþjóðasamfélagið verður að taka sig verulega á til að bregðast við og hjálpa hinum átján milljónum íbúa Sýrlands og grannríkja þess, sem eru í brýnni þörf fyrir neyðaraðstoð. Í dag hefst í London alþjóðlega ráðstefnan „Supporting Syria and the region 2016“, sem bresk stjórnvöld standa að ásamt Þýskalandi, Kúveit, Noregi og Sameinuðu þjóðunum. Ráðstefnunni er ætlað að nálgast vandann með nýjum og metnaðarfullum hætti, sem miðar að því að stuðla að meiri langtímastuðningi við flóttamenn. Þessu á að áorka með hnitmiðuðum aðgerðum til að tryggja afkomu fólksins og lífsviðurværi og bættan aðgang að menntun. Með þessu er vonast til að flóttafólkið búi yfir þeirri færni og þekkingu sem best er til þess fallin að tryggja framtíð þess og möguleika á að snúa heim og byggja upp heimaland sitt að nýju að stríði loknu. Það gleður mig að Sigmundur Davíð Gunnlaugsson forsætisráðherra verður meðal leiðtoga sem sækja ráðstefnuna og leggur markmiðum hennar lið fyrir Íslands hönd. Á ráðstefnunni í London er líka ætlunin að leita lausna á þeirri miklu neyð sem sýrlenskur almenningur stendur frammi fyrir, og safna verulega auknum fjárframlögum til að mæta þörfum nauðstaddra, bæði til skemmri og lengri tíma. Sameinuðu þjóðirnar kalla eftir framlögum upp á alls um 7,7 milljarða Bandaríkjadala. Þá er gert ráð fyrir að framlög upp á 1,2 milljarða dala til viðbótar vanti til að standa straum af kostnaði sem stjórnvöld í nágrannaríkjum Sýrlands bera af móttöku flóttamanna.Bretland leiðandi afl Bretland hefur verið leiðandi afl í viðleitni alþjóðasamfélagsins til að taka á vandanum í Sýrlandi. David Cameron forsætisráðherra hefur fylgt eftir af festu þeirri stefnu að finna allsherjarlausn á vandanum, sem tekur á rótum hans frekar en einvörðungu að bregðast við afleiðingunum. Í þessari stefnu felst að alþjóðasamfélagið leggist saman á árar til að binda enda á hin grimmilegu stríðsátök sem enn geysa í landinu. Stefnan er þríþætt og nær til pólitískra og hernaðarlegra þátta auk mannúðaraðstoðar. Hvað hina pólitísku vídd varðar er Bretland einn af burðarásum Alþjóðabandalagsins til stuðnings Sýrlandi (ISSG – International Syria Support Group), sem vinnur að pólitískri lausn og að byggja brú yfir í friðsamlega framtíð. Hernaðarlega tekur Bretland virkan þátt í herferðinni gegn Daesh, hryðjuverkasveitunum sem kenna sig við Íslamskt ríki. Bretland er jafnframt annar stærsti veitandi neyðaraðstoðar við flóttafólk á svæðinu, næst á eftir Bandaríkjunum. Framlög frá Bretlandi eru nú þegar komin yfir 1,1 milljarð sterlingspunda, sem varið er til mannúðaraðstoðar af öllu tagi, matarsendinga, tjaldbúða, læknishjálpar og hreins drykkjarvatns fyrir hundruð þúsunda nauðstaddra. Grannríki Sýrlands eins og Jórdanía, Tyrkland og Líbanon hafa án vafa bjargað miklum fjölda mannslífa með rausnarskap sínum gagnvart flóttafólki og með því að veita því hæli skammt frá heimahögum sínum, frekar en að það takist á hendur hættulega för í átt til Evrópu. En við verðum öll að leggja meira á okkur. Við verðum að taka saman höndum um að gera Sýrland að öruggari stað, með markið sett á friðsamlega uppbyggingu til framtíðar. Alþjóðasamfélaginu ber skylda til að hjálpa þeim fjórum milljónum manna sem dvelja í flóttamannabúðum í grannríkjum Sýrlands, sem og þeim 13 milljónum sem eru í nauðum staddar innan Sýrlands sjálfs. Sýrlenska þjóðin þarf að vita og finna að alþjóðasamfélagið stendur með henni og muni gera það áfram. Ráðstefnan í London mun ein og sér ekki vera fær um að leysa þau margslungnu vandamál sem við er að etja í Sýrlandi, og finna verður pólitíska lausn á deilunni. En með því að halda áfram að beina kastljósinu að óhæfuverkum í garð saklauss almennings munum við sjá til þess að áþján sýrlensku þjóðarinnar gleymist ekki. Viltu birta grein á Vísi? Sendu okkur póst. Senda grein Mest lesið Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir Skoðun Katrín og Gunnar? Hjörtur J. Guðmundsson Skoðun Ótímabundin leyfi, ótímabundið náttúruníð Elvar Örn Friðriksson Skoðun Breiðholt brennur Eðvarð Hilmarsson Skoðun Er þetta í alvöru verðlaunaefni? Snorri Másson Skoðun Biskup í tengslum Guðrún Karls Helgudóttir Skoðun Er stóraukin lýðræðisþátttaka ekki verðlaunaefni? Einar Freyr Elínarson Skoðun Það vantar vanan og áreiðanlegan mann í verkið Haraldur Ólafsson Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun Dýravelferðarmartröð af áður óþekktri stærð Benedikta Guðrún Svavarsdóttir Skoðun Skoðun Skoðun Katrín og Gunnar? Hjörtur J. Guðmundsson skrifar Skoðun Ótímabundin leyfi, ótímabundið náttúruníð Elvar Örn Friðriksson skrifar Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir skrifar Skoðun Er stóraukin lýðræðisþátttaka ekki verðlaunaefni? Einar Freyr Elínarson skrifar Skoðun Árangur gegn verðbólgu Þórdís Kolbrún R. Gylfadóttir skrifar Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir skrifar Skoðun Hvar er híbýlaauður? Anna María Bogadóttir skrifar Skoðun Áhugaverðir tímar kalla á áhugaverðan forseta Cody Alexander Skahan skrifar Skoðun Biskup í tengslum Guðrún Karls Helgudóttir skrifar Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir skrifar Skoðun Dýravelferðarmartröð af áður óþekktri stærð Benedikta Guðrún Svavarsdóttir skrifar Skoðun Uppskera að vori Lilja Dögg Alfreðsdóttir skrifar Skoðun Er menning stórmál? Ingibjörg Ösp Stefánsdóttir skrifar Skoðun Það vantar vanan og áreiðanlegan mann í verkið Haraldur Ólafsson skrifar Skoðun Leikskólamál eru forgangsmál Hólmfríður Jennýjar Árnadóttir,Álfhildur Leifsdóttir skrifar Skoðun Himinhátt innanlandsflug Ingibjörg Isaksen skrifar Skoðun Hefur allt sem þarf Vilborg Gunnarsdóttir skrifar Skoðun Af hverju að gera rekstraráætlun? Karl Sólnes Jónsson skrifar Skoðun Norskur skammtímagróði Gunnlaugur Stefánsson skrifar Skoðun Æpandi vanþekking Hjálmar Jónsson skrifar Skoðun Mannréttindi sama hvað Arndís Anna Kristínardóttir Gunnarsdóttir skrifar Skoðun Helga Þórisdóttir og fjöregg íslenskrar þjóðar Páll Torfi Önundarson skrifar Skoðun Er þetta í alvöru verðlaunaefni? Snorri Másson skrifar Skoðun Ótímabundin ráðgjöf til ríkisstjórnar Snæbjörn Brynjarsson skrifar Skoðun Lykillinn að orkuskiptunum er úr áli Guðríður Eldey Arnardóttir skrifar Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason skrifar Skoðun „Vitum ekkert hvað við erum að gera“ Hjörtur J. Guðmundsson skrifar Skoðun Nýtt örorkukerfi – verra þeirra réttlæti Marinó G. Njálsson skrifar Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir skrifar Skoðun Þurfum við að koma Íslandi aftur á rétta braut? Diljá Mist Einarsdóttir skrifar Sjá meira
Nú þegar líður að því að fimm ár séu liðin frá því að borgarastyrjöld braust út í Sýrlandi heldur alvarlegasti mannlegi harmleikur samtímans áfram, en um 250 þúsund mannslíf hafa tapast í Sýrlandsstríðinu fram til þessa. Alþjóðasamfélagið verður að taka sig verulega á til að bregðast við og hjálpa hinum átján milljónum íbúa Sýrlands og grannríkja þess, sem eru í brýnni þörf fyrir neyðaraðstoð. Í dag hefst í London alþjóðlega ráðstefnan „Supporting Syria and the region 2016“, sem bresk stjórnvöld standa að ásamt Þýskalandi, Kúveit, Noregi og Sameinuðu þjóðunum. Ráðstefnunni er ætlað að nálgast vandann með nýjum og metnaðarfullum hætti, sem miðar að því að stuðla að meiri langtímastuðningi við flóttamenn. Þessu á að áorka með hnitmiðuðum aðgerðum til að tryggja afkomu fólksins og lífsviðurværi og bættan aðgang að menntun. Með þessu er vonast til að flóttafólkið búi yfir þeirri færni og þekkingu sem best er til þess fallin að tryggja framtíð þess og möguleika á að snúa heim og byggja upp heimaland sitt að nýju að stríði loknu. Það gleður mig að Sigmundur Davíð Gunnlaugsson forsætisráðherra verður meðal leiðtoga sem sækja ráðstefnuna og leggur markmiðum hennar lið fyrir Íslands hönd. Á ráðstefnunni í London er líka ætlunin að leita lausna á þeirri miklu neyð sem sýrlenskur almenningur stendur frammi fyrir, og safna verulega auknum fjárframlögum til að mæta þörfum nauðstaddra, bæði til skemmri og lengri tíma. Sameinuðu þjóðirnar kalla eftir framlögum upp á alls um 7,7 milljarða Bandaríkjadala. Þá er gert ráð fyrir að framlög upp á 1,2 milljarða dala til viðbótar vanti til að standa straum af kostnaði sem stjórnvöld í nágrannaríkjum Sýrlands bera af móttöku flóttamanna.Bretland leiðandi afl Bretland hefur verið leiðandi afl í viðleitni alþjóðasamfélagsins til að taka á vandanum í Sýrlandi. David Cameron forsætisráðherra hefur fylgt eftir af festu þeirri stefnu að finna allsherjarlausn á vandanum, sem tekur á rótum hans frekar en einvörðungu að bregðast við afleiðingunum. Í þessari stefnu felst að alþjóðasamfélagið leggist saman á árar til að binda enda á hin grimmilegu stríðsátök sem enn geysa í landinu. Stefnan er þríþætt og nær til pólitískra og hernaðarlegra þátta auk mannúðaraðstoðar. Hvað hina pólitísku vídd varðar er Bretland einn af burðarásum Alþjóðabandalagsins til stuðnings Sýrlandi (ISSG – International Syria Support Group), sem vinnur að pólitískri lausn og að byggja brú yfir í friðsamlega framtíð. Hernaðarlega tekur Bretland virkan þátt í herferðinni gegn Daesh, hryðjuverkasveitunum sem kenna sig við Íslamskt ríki. Bretland er jafnframt annar stærsti veitandi neyðaraðstoðar við flóttafólk á svæðinu, næst á eftir Bandaríkjunum. Framlög frá Bretlandi eru nú þegar komin yfir 1,1 milljarð sterlingspunda, sem varið er til mannúðaraðstoðar af öllu tagi, matarsendinga, tjaldbúða, læknishjálpar og hreins drykkjarvatns fyrir hundruð þúsunda nauðstaddra. Grannríki Sýrlands eins og Jórdanía, Tyrkland og Líbanon hafa án vafa bjargað miklum fjölda mannslífa með rausnarskap sínum gagnvart flóttafólki og með því að veita því hæli skammt frá heimahögum sínum, frekar en að það takist á hendur hættulega för í átt til Evrópu. En við verðum öll að leggja meira á okkur. Við verðum að taka saman höndum um að gera Sýrland að öruggari stað, með markið sett á friðsamlega uppbyggingu til framtíðar. Alþjóðasamfélaginu ber skylda til að hjálpa þeim fjórum milljónum manna sem dvelja í flóttamannabúðum í grannríkjum Sýrlands, sem og þeim 13 milljónum sem eru í nauðum staddar innan Sýrlands sjálfs. Sýrlenska þjóðin þarf að vita og finna að alþjóðasamfélagið stendur með henni og muni gera það áfram. Ráðstefnan í London mun ein og sér ekki vera fær um að leysa þau margslungnu vandamál sem við er að etja í Sýrlandi, og finna verður pólitíska lausn á deilunni. En með því að halda áfram að beina kastljósinu að óhæfuverkum í garð saklauss almennings munum við sjá til þess að áþján sýrlensku þjóðarinnar gleymist ekki.
Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun
Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir skrifar
Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir skrifar
Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir skrifar
Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason skrifar
Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir skrifar
Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun