LAUGARDAGUR 1. OKTÓBER NÝJAST 10:05

Minni skjálftavirkni í Kötlu en viđvaranir og lokanir enn í gildi

FRÉTTIR

Sagđi auđveldara fyrir kýr ađ fá lćknaţjónustu en mannfólk

 
Innlent
22:54 11. JANÚAR 2016
Frá fundinum.
Frá fundinum.
Samúel Karl Ólason. skrifar

Tæplega 400 manns mættu á íbúafund á Hvolsvelli í kvöld vegna skerðingar á þjónustu heilsugæslunnar þar í bæ. Um mikið hitamál er að ræða, þar sem fækka opnunardögum á Heilsugæslustöðinni á Hvolsvelli, til að bæta frekar heimaþjónustu í Rangárþingi.

Á vef Rangárþings Eystra segir að á frummælendaskrá hafi verið þau Ísólfur Gylfi Pálmason, sveitarstjóri, Guðmundur Svavarsson, framleiðslustjóri SS og íbúi, og Herdís Gunnarsdóttir, forstjóri Heilbrigðisstofnunar Suðurlands. Fundarstjóri var Óskar Magnússon.

„Herdís fræddi fundargesti um ástæður fyrir færri opnunardögum á Heilsugæslustöðinni á Hvolsvelli en sú lokun er tilraun til að bæta frekar heimaþjónustu í Rangárþingi. Fyrirhugað er að halda þessu til streitu fram á vor og kanna þá hvernig til hefur tekist.“

Eftir að frummælendur luku máli sínu var orðið laust og munu margir hafa tekið til máls. Þau Herdís, Hjörtur Kristjánsson, framkvæmdastjóri lækninga, og Anna María Snorradóttir, framkvæmdastjóri Hjúkrunar, sátu fyrir svörum.

Á vefnum segir að sveitarstjórnarfólki hafi verið tíðrætt um lélega upplýsingaveitu og erfiðleika í samskiptum við forstjóra. Þá hafi þeir og íbúar lýst yfir furðu á fækkun opnunardaga þegar íbúum fjölgi og fjöldi ferðamanna aukist stöðugt. Þá var einnig mikið rætt um þjónustu heilsugæslunnar utan dagvinnutíma.

Bjarni Böðvarsson sagði stutta sögu sem þótti varpa skýrasta ljósinu á stöðu mála, samkvæmt vef Rangárþings eystra. Þar kom fram að það væri auðveldara fyrir veika kýr að fá læknaþjónustu í heimabyggð utan hefðbundins tíma en mannfólkið. Sú saga uppskar dynjandi lófatak.

„Ljóst var að þetta er mikið hitamál og ekki hægt að komast að niðurstöðu á einum fundi. Framkvæmdastjórn HSu tekur það þó með sér að íbúum í sveitarfélaginu stendur ekki á sama um sín heilsugæslumál og vilja upplýsingar og fræðslu um þær ákvarðanir sem teknar eru.“

Ísólfur Gylfi afhenti Herdís undirskriftarlista sem 652 höfðu skrifað undir, þar sem óskað er eftir að skerðing á opnunartímum Heilsugæslunnar á Hvolsvelli verði tekin til baka.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Sagđi auđveldara fyrir kýr ađ fá lćknaţjónustu en mannfólk
Fara efst