FIMMTUDAGUR 28. JÚLÍ NÝJAST 08:40

Búist viđ metfjölda á Suđurlandi

FRÉTTIR

Sćnskur lćknir ákćrđur fyrir ađ nauđga konu ítrekađ sem hann hélt innilokađri í rammgirtu byrgi

 
Erlent
23:03 16. JANÚAR 2016
Lćknirinn er sagđur hafa dulbúiđ sig međ ţessum grímum á međan hann ók međ konuna međvitundarlausa frá Stokkhólmi ađ býlinu á Skáni.
Lćknirinn er sagđur hafa dulbúiđ sig međ ţessum grímum á međan hann ók međ konuna međvitundarlausa frá Stokkhólmi ađ býlinu á Skáni. VÍSIR/SĆNSKA LÖGREGLAN

Sænskur læknir hefur verið ákærður fyrir að byrla konu ólyfjan, svipta hana frelsi og nauðga henni ítrekað í sérútbúnu byrgi sem hann hafði  byggt við býli á Skáni í Svíþjóð. Er maðurinn sagður hafa ætlað að halda konunni í byrginu í nokkur ár en upp komst um málið þegar hann fór með konuna á lögreglustöð til að biðja lögregluna um að hætta leit að henni.

Sænska dagblaðið Aftonbladet greinir frá því að læknirinn og konan hafi hist á heimili hennar í Stokkhólmi 12. september síðastliðinn þar sem hann á að hafa gefið henni súkkulaðihúðuð jarðarber. Í súkkulaðið hafði hann sett svefnlyfið Rohypnol.


Hér má sjá svefnherbergiđ í byrginu.
Hér má sjá svefnherbergiđ í byrginu. SĆNSKA LÖGREGLAN

Hóf smíði á byrginu fyrir fimm árum
Í ákæru lögreglunnar í Svíþjóð er maðurinn sagður hafa nauðgað konunni eftir að hún hafði misst meðvitund og síðan ekið með hana um 560 kílómetra leið að býli sem hann á rétt fyrir utan bæinn Kristianstad á Skáni. Er maðurinn sagður hafa notað grímur til að til að dulbúa sig, ýmist sem gömul kona eða skeggjaður karl, á meðan þessari bílferð stóð.

Aftonbladet
 segir lækninn hafa komið konunni fyrir í byrgi þar sem hann hélt henni fanginni í viku og nauðgaði henni ítrekað. Læknirinn hóf smíði á byrginu fyrir um fimm árum og sagði konunni meðal annars að hann hefði hug á ræna fleiri konum og geyma þær þarna.  Fyrir utan byrgið var garður sem var vel falinn utanaðkomandi með girðingu og var ætlaður sem útivistarsvæði fyrir þá sem hann hélt föngnum.

Veggirnir á byrginu eru  um 30 sentímetra þykkir en byrgið, sem er um 60 fermetrar að stærð, er búið svefnherbergi, salerni og eldhúsi.


Grímurnar sem lćknirinn notađi til ađ dulbúa sig.
Grímurnar sem lćknirinn notađi til ađ dulbúa sig. SĆNSKA LÖGREGLAN

Tók sýni úr konunni
Læknirinn er sagður hafa tekið blóðsýni úr konunni og einnig sýni úr leggöngum hennar til að ganga úr skugga að hún væri ekki smituð af kynsjúkdómum.  Talið er að hann hafi neytt hana til að innbyrða getnaðarvarnapillur til að tryggja að hún yrði ekki barnshafandi.

Samkvæmt skýrslu lögreglunnar í Svíþjóð var konan annað hvort handjárnuð eða bundin á meðan hún var í haldi læknisins.

Upp komst um málið þegar læknirinn ákvað að fara með konuna aftur til Stokkhólms svo hún gæti sótt sér föt og aðra persónulega muni. Þegar þangað var komið kom hins vegar í ljós að lögreglan hafði lýst eftir konunni og skipt um skrá á heimili hennar þannig að læknirinn og konan komust ekki inn.

Hótaði henni með skammbyssu
Læknirinn ákvað þá að fara með konuna á lögreglustöð í Stokkhólmi 18. september síðastliðinn þar sem hann skipaði henni að segja lögreglu að ekkert amaði að henni og það væri óhætt að hætta leitinni að henni. Til að tryggja að hún myndi fara eftir því sem hann sagði hafði læknirinn skammbyssu meðferðis og hótaði konunni að hún myndi hljóta verra af.

Lögreglumennirnir sem tóku á móti þeim á lögreglustöðinni fóru hins vegar fram á að fá að ræða við konuna einslega. Kom þá sannleikurinn í ljós og læknirinn handtekinn í kjölfarið.

Vinirnir slegnir
„Við teljum að hann hafi ætlað að halda konunni þarna í nokkur ár,“ sagði saksóknarinn Peter Claeson við fjölmiðla í Svíþjóð um málið. „Við teljum einnig að hann hafi undirbúið þetta í nokkur ár.“

Vinir læknisins sem hafa rætt við fjölmiðla í Svíþjóð segjast vera slegnir vegna þessara fregna. Einn af nánum vinum hans sagði við Kristianstadsbladet læknirinn hefði verið hlédrægur en kurteis og hjálpsamur.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Sćnskur lćknir ákćrđur fyrir ađ nauđga konu ítrekađ sem hann hélt innilokađri í rammgirtu byrgi
Fara efst