Rukka meira í Bláa lónið á álagstímum sunna karen sigurþórsdóttir skrifar 21. júní 2016 09:00 Stakur miði kostar frá 7.100 kr upp í 8.500 krónur. Þá eru dýrari pakkar í boði. vísir/bláa lónið Verð fyrir hvern einstakling ofan í Bláa lónið miðast nú við framboð og eftirspurn eftir verðbreytingar sem gerðar voru í síðasta mánuði. Þannig getur stakur miði kostað frá 7.100 krónum upp í 8.500 krónur, eftir því á hvaða tíma dags viðkomandi bókar sig í lónið. Dagný Hrönn Pétursdóttir, framkvæmdastjóri Bláa lónsins, segir breytingarnar til þess fallnar að dreifa gestum betur yfir daginn. Þannig sé hægt að veita hverjum og einum betri þjónustu.Ákveðnir tímar vannýttir „Það er þannig að ákveðnir tímar dagsins eru vinsælli en aðrir. Sumir tímar voru að seljast illa og voru vannýttir og við höfðum verið að lenda í því á vissum dögum að allt að helmingur gestanna kom kannski bara á þriggja klukkustunda tímabili. Þess vegna breyttum við þessu og í raun snýst þetta um að veita betri þjónustu þannig að hver gestur nái að njóta sín betur,“ segir Dagný í samtali við Vísi.Sjá einnig:Bláa lónið hagnast um milljarða Aðsókn í lónið er mikil, svo mjög að nauðsynlegt er að bóka miða fyrir fram í gegnum bókunarkerfi á vefsíðu þess. Dagný segir að til þess að mæta þessum aukna fjölda gesta hafi lónið verið stækkað, fleiri starfsmenn ráðnir inn og þjónustustig aukið. „Við erum í fyrsta sinn með yfir 500 manns á launaskrá þannig að það eru mun fleiri starfsmenn á hvern gest en áður,“ segir hún. Dagný segir breytingarnar ekki svo frábrugðnar því sem tíðkast almennt í ferðaþjónustu, til dæmis hjá flugfélögum, þar sem takmarkað magn sé í boði. „Við erum í raun bara í svipuðum aðstæðum og flugfélögin, þar sem ákveðinn fjöldi sæta er í boði og verðið breytilegt.“Líkt og sjá má hér er verðið misjafnt eftir því á hvaða tíma dags bókað er.mynd/bláa lóniðUm lúxusþjónustu að ræða Verð í Bláa lónið hefur hækkað jafnt og þétt í gegnum árin. Árið 2011 kostaði miðinn að sumarlagi 4.800 krónur og á síðasta ári var hann kominn upp í 6.800 krónur. Þá var starfsemi Bláa lónsins undanþegin skatti, eða til 1. janúar 2016, þegar stakur miði hækkaði enn frekar. Dagný segist ekki sammála því að dýrt sé að fara í lónið. „Virði heimsóknarinnar er persónuleg og byggir á persónugildi hvers og eins. Við gerum könnun á meðal gesta í hverjum mánuði um ánægju þeirra og ítrekað sjáum við það að þeir sem kaupa dýrustu pakkanna eru ánægðastir. Við erum að búa til lúxusþjónustu á Íslandi.“ Aðspurð hvort frekari verðhækkanir séu í vændum segir hún slíka ákvörðun ekki hafa verið tekna. „Við leyfum sumrinu bara að líða áður en við tökum ákvörðun um það.“ Ekki hafa verið gerðar verðbreytingar á svokölluðu heimsóknargjaldi, sem er 10 evrur eða um 1.400 íslenskar krónur. Á vefsíðu Bláa lónsins segir: „Allir sem vilja heimsækja Bláa Lónið þurfa að greiða svonefnt heimsóknargjald sem nemur 10 evrum á mann. Þetta gjald er umreiknað í íslenskar krónur við komu, m.v gengi dagsins. Athugið að heimsóknargjaldið er innifalið í baðgjaldinu.“ Ferðamennska á Íslandi Mest lesið Ný kynslóð vélmenna vekur óhug Viðskipti erlent Sólin sest fyrir fullt og allt á Sælunni Viðskipti innlent Stöð 2+ lækkar verð Neytendur Jón nýr formaður bankaráðs Landsbankans Viðskipti Sýn hættir við að selja vefmiðla og útvarp Viðskipti innlent Þrjú atriði til að auka á sjálfsöryggið okkar í vinnunni Atvinnulíf Opna verslun á Keflavíkurflugvelli þar sem Arion var áður Viðskipti innlent Hafa náð nýjum sölusamningi í Bandaríkjunum Viðskipti innlent Enn ekkert að frétta af félagi sem þúsundir Íslendinga eiga kröfu á Neytendur Framkvæmdastjóri Jafnréttisstofu til Visku Viðskipti innlent Fleiri fréttir Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Byggingaframkvæmdir óralangt frá settum markmiðum Taka við stjórnendastöðum hjá Advania Benedikt tekur við af Andrési hjá SVÞ Tveir stjórnarmenn og forstjóri lögðu til milljarð Loftleiðir með þrjár þotur í lúxusflugi fyrir ríka fólkið Viðræður vegna kaupa á Lyfju að hefjast Dómari þarf ekki að víkja vegna fjölskyldutengsla í máli feðga Skorti heildarmynd í Landsbankamálinu Sjá meira
Verð fyrir hvern einstakling ofan í Bláa lónið miðast nú við framboð og eftirspurn eftir verðbreytingar sem gerðar voru í síðasta mánuði. Þannig getur stakur miði kostað frá 7.100 krónum upp í 8.500 krónur, eftir því á hvaða tíma dags viðkomandi bókar sig í lónið. Dagný Hrönn Pétursdóttir, framkvæmdastjóri Bláa lónsins, segir breytingarnar til þess fallnar að dreifa gestum betur yfir daginn. Þannig sé hægt að veita hverjum og einum betri þjónustu.Ákveðnir tímar vannýttir „Það er þannig að ákveðnir tímar dagsins eru vinsælli en aðrir. Sumir tímar voru að seljast illa og voru vannýttir og við höfðum verið að lenda í því á vissum dögum að allt að helmingur gestanna kom kannski bara á þriggja klukkustunda tímabili. Þess vegna breyttum við þessu og í raun snýst þetta um að veita betri þjónustu þannig að hver gestur nái að njóta sín betur,“ segir Dagný í samtali við Vísi.Sjá einnig:Bláa lónið hagnast um milljarða Aðsókn í lónið er mikil, svo mjög að nauðsynlegt er að bóka miða fyrir fram í gegnum bókunarkerfi á vefsíðu þess. Dagný segir að til þess að mæta þessum aukna fjölda gesta hafi lónið verið stækkað, fleiri starfsmenn ráðnir inn og þjónustustig aukið. „Við erum í fyrsta sinn með yfir 500 manns á launaskrá þannig að það eru mun fleiri starfsmenn á hvern gest en áður,“ segir hún. Dagný segir breytingarnar ekki svo frábrugðnar því sem tíðkast almennt í ferðaþjónustu, til dæmis hjá flugfélögum, þar sem takmarkað magn sé í boði. „Við erum í raun bara í svipuðum aðstæðum og flugfélögin, þar sem ákveðinn fjöldi sæta er í boði og verðið breytilegt.“Líkt og sjá má hér er verðið misjafnt eftir því á hvaða tíma dags bókað er.mynd/bláa lóniðUm lúxusþjónustu að ræða Verð í Bláa lónið hefur hækkað jafnt og þétt í gegnum árin. Árið 2011 kostaði miðinn að sumarlagi 4.800 krónur og á síðasta ári var hann kominn upp í 6.800 krónur. Þá var starfsemi Bláa lónsins undanþegin skatti, eða til 1. janúar 2016, þegar stakur miði hækkaði enn frekar. Dagný segist ekki sammála því að dýrt sé að fara í lónið. „Virði heimsóknarinnar er persónuleg og byggir á persónugildi hvers og eins. Við gerum könnun á meðal gesta í hverjum mánuði um ánægju þeirra og ítrekað sjáum við það að þeir sem kaupa dýrustu pakkanna eru ánægðastir. Við erum að búa til lúxusþjónustu á Íslandi.“ Aðspurð hvort frekari verðhækkanir séu í vændum segir hún slíka ákvörðun ekki hafa verið tekna. „Við leyfum sumrinu bara að líða áður en við tökum ákvörðun um það.“ Ekki hafa verið gerðar verðbreytingar á svokölluðu heimsóknargjaldi, sem er 10 evrur eða um 1.400 íslenskar krónur. Á vefsíðu Bláa lónsins segir: „Allir sem vilja heimsækja Bláa Lónið þurfa að greiða svonefnt heimsóknargjald sem nemur 10 evrum á mann. Þetta gjald er umreiknað í íslenskar krónur við komu, m.v gengi dagsins. Athugið að heimsóknargjaldið er innifalið í baðgjaldinu.“
Ferðamennska á Íslandi Mest lesið Ný kynslóð vélmenna vekur óhug Viðskipti erlent Sólin sest fyrir fullt og allt á Sælunni Viðskipti innlent Stöð 2+ lækkar verð Neytendur Jón nýr formaður bankaráðs Landsbankans Viðskipti Sýn hættir við að selja vefmiðla og útvarp Viðskipti innlent Þrjú atriði til að auka á sjálfsöryggið okkar í vinnunni Atvinnulíf Opna verslun á Keflavíkurflugvelli þar sem Arion var áður Viðskipti innlent Hafa náð nýjum sölusamningi í Bandaríkjunum Viðskipti innlent Enn ekkert að frétta af félagi sem þúsundir Íslendinga eiga kröfu á Neytendur Framkvæmdastjóri Jafnréttisstofu til Visku Viðskipti innlent Fleiri fréttir Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Byggingaframkvæmdir óralangt frá settum markmiðum Taka við stjórnendastöðum hjá Advania Benedikt tekur við af Andrési hjá SVÞ Tveir stjórnarmenn og forstjóri lögðu til milljarð Loftleiðir með þrjár þotur í lúxusflugi fyrir ríka fólkið Viðræður vegna kaupa á Lyfju að hefjast Dómari þarf ekki að víkja vegna fjölskyldutengsla í máli feðga Skorti heildarmynd í Landsbankamálinu Sjá meira