Innlent

Ruddist inn í íbúð sem hann taldi sig búa í

Samúel Karl Ólason skrifar
Óskað var eftir aðstoð lögreglu á sjöunda tímanum í morgun þar sem maður í annarlegu ástandi hafði ruðst inn í íbúð í Grafarholti. Maðurinn taldi sig búa í íbúðinni, en hafði farið íbúðarvillt. Samkvæmt dagbók lögreglunnar voru honum leiðbeint á réttan stað.

Þá barst lögreglu tilkynning um mann sem svaf ölvunarsvefni í anddyri hótels í miðbænum. Lögregluþjónar vöktu hann og kom í ljós að hann var erlendur ferðamaður sem hafði ekki ratað á hótelið sitt.

Hótelið var þó skammt frá og gekk maðurinn þangað.

Þar að auki handtók lögreglan mann sem grunaður var um að aka undir áhrifum. Þar að auki reyndist hann ekki vera með bílpróf og hafði það verið tekið af honum fyrir nokkru.




Fleiri fréttir

Sjá meira


×