Viðskipti erlent

Rúblan heldur áfram að hríðfalla

Aðalsteinn Kjartansson skrifar
Verðbólga í Rússlandi mælist nú 10 prósent.
Verðbólga í Rússlandi mælist nú 10 prósent. Vísir/AFP
Róttækar aðgerðir rússneskra stjórnvalda til að verja rúbluna, gjaldmiðil landsins, hafa mistekst. Gengi rúblunnar hefur hríðfallið í allan dag. 

Vladimir Putin og Elvira Nabiullina, formaður bankastjórnar seðlabankans.Vísir/AFP
Gengi gjaldmiðilsins hefur fallið um fjórðung það sem af er degi og fékkst um tíma í dag einn dollari fyrir 80 rúblur. Við upphaf dags kostaði dollarinn 58 rúblur.



Í morgun tilkynnti seðlabanki Rússlands óvænta 6,5 punkta hækkun á stýrivöxtum
. Vextir bankans hafa ekki hækkað jafn mikið í einu síðan árið 1998 þegar fjármálakreppa reið yfir heiminn.

Seðlabankinn sagði hækkunina eiga að draga úr gengisfalli rúblunnar og áhættu á aukinni verðbólgu. Rúblan hefur hrunið um helming síðastliðna sex mánuði með þeim afleyðingum að verðbólga mælist þar nú 10 prósent.

Olía er helsta útflutningsvara Rússa. Mynd úr safni.Vísir/AP
Lágt olíuverð hefur mikil áhrif á rússneskan efnahag en bankinn hefur sagt að búast megi við samdrætti upp á 4,7 prósent á næsta ári ef olíuverð helst í kringum 60 dollara á tunnu í tólf mánuði, en það er verðið í dag.

 

Olía er helsta útflutningsvara Rússa en olíuverð hefur ekki verið lægra síðan í júlí árið 2009.

Hægt er að sjá gengisþróun rúblu gagnvart dollar hér.


Tengdar fréttir

Rússar hækka stýrivextina

Rússnesk stjórnvöld ákváðu í nótt að hækka stýrivexti landsin um heil 6,5 prósentustig eða úr 10,5 prósentum í sautján prósent.






Fleiri fréttir

Sjá meira


×