Formúla 1

Rosberg: Lewis var besti ökumaðurinn í ár

Kristinn Ásgeir Gylfason skrifar
Rosberg var auðmjúkur eftir erfiðan dag.
Rosberg var auðmjúkur eftir erfiðan dag. Vísir/Getty
Nico Rosberg átti möguleika fyrir keppnina á að verða heimsmeistari. Strax í upphafi varð möguleikinn þó lítill eftir frábæra ræsingu Lewis Hamilton. Vélavandræði gerðu svo endanlega út um möguleika Rosberg.

„Ég er afar vonsvikinn. Tækifærið var þarna en ég gat ekki nýtt þetta sérstaka tækifæri. En að lokum þá skipti það ekki máli því Lewis vann keppnina á sanngjarnan hátt. Lewis ók óaðfinnanlega í dag. Lewis var besti ökumaðurinn í ár,“ sagði Rosberg niðurlútur eftir keppnina.

„Ég ætla ekki að dvelja við mín vandræði í dag. Liðið hefur staðið sig frábærlega og á árangurinn skilið. Ég gat því miður ekki gert nóg í dag,“ bætti Rosberg við.

„Það mun taka smá tíma að komast yfir þetta en ég þarf klárlega að vinna í keppnisformi mínu fyrir næsta ár. Ég hef verið betri í tímatökum og ætla að byggja ofan á það en skiptir mestu máli að bæta keppnisformið núna,“ sagði Rosberg að lokum.

Toto Wolff, keppnisstjóri Mercedes sagði „þið skuluð ekki halda að Nico ætli ekki að verða heimsmeistari á næsta ári. Hann mun sleikja sárin næstu daga en hefja svo undirbúning á fullu og koma enn sterkari til baka á næsta ári.“


Tengdar fréttir

Hamilton: Besti dagur lífs míns

Lewis Hamilton er heimsmeistari ökumanna 2014. Hann náði titlinum í annað sinn eftir að hafa orðið heimsmeistari árið 2008. Hann lýsti deginum í dag sem besta degi lífs síns.

Rosberg á ráspól í Abú Dabí

Nico Rosberg náði ráspól liðsfélagi hans Lewis Hamilton varð annar og Valtteri Bottas á Williams varð þriðji. Þessi úrslit auka á spennuna í keppninni á morgun.

Lewis Hamilton er heimsmeistari ökumanna

Lewis Hamilton vann í Abú Dabí og tryggði sér þar með heimsmeistaratitil ökumanna í annað sinn. Felipe Massa á Williams varð annar og lisðfélagi hans Valtteri Bottas varð þriðji.

Hamilton fljótastur á báðum æfingum

Lewis Hamilton á Mercedes var fljótastur allra á báðum æfingum dagsins í Abú Dabí. Liðsfélagi hans, Nico Rosberg var þó ekki langt á eftir.

Framvængur Red Bull ólöglega sveigjanlegur

Red Bull bílarnir munu líklega hefja keppni frá þjónustusvæðinu á morgun. Þeir fá að vera með en ætli þeir að vera með þá verða þeir að ræsa aftast.

Allar brellur notaðar fyrir lokaátökin í Abú Dabí

Mercedes-ökuþórarnir Lewis Hamilton og Nico Rosberg berjast um heimsmeistaratitilinn í Formúlu 1 í Abú Dabí á sunnudaginn. Enginn annar en þeir getur unnið. Sálfræðistríðið í fullum gangi hjá "vinunum“.




Fleiri fréttir

Sjá meira


×