Lífið

Robert Pattinson byrjaður með Twigs

Þórður Ingi Jónsson skrifar
Parið spókar sig í New York-borg.
Parið spókar sig í New York-borg.
Twilight-stjarnan Robert Pattinson er byrjaður í sambandi með bresku söngkonunni Tahliah Barnett, betur þekkt sem FKA Twigs, samkvæmt frétt breska tímaritsins The Sun.

Twigs hefur vakið mikla athygli í tónlistarheiminum síðan hún braust fram á sjónarsviðið fyrir tveim árum með sinni framsýnu raftónlist.

Heimildarmaður The Sun segir: „Þetta er alvöru málið milli Rob og Tahliah. Þau náðu að halda sambandinu leyndu þar til nýlega en þau eru strax orðin ástfangin.

Hann hefur verið að bjóða henni á stefnumót í um það bil mánuð og hefur jafnvel borgað fyrir hana flugmiðana svo að hún geti gist með honum í New York. Hann elskar líka að fara á tónleikana hennar,“ segir heimildarmaðurinn.

Twigs byrjaði sem aukadansari fyrir poppstjörnur svo sem Kylie Minogue og Jessie J en í ár gaf hún út fyrstu plötuna sína í fullri lengd í ár, LP1 og hlaut frábæra dóma fyrir.

„Málið er að hún vill vera þekkt fyrir tónlistina sína, ekki bara sem „kærasta Robert Pattinsons.“ Hún hefur áhyggjur af því að vera stöðugt líkt við Kristen Stewart,“ segir heimildarmaðurinn og á þar að sjálfsögðu við fyrrverandi kærustu Roberts sem lék með honum í Twilight-myndunum.

Blaðamaður Vísis mælir þó frekar með tónlist FKA Twigs heldur en þessum stórmyndum en myndband fyrir lag af nýju plötunni má sjá hér fyrir neðan.








Fleiri fréttir

Sjá meira


×