Reynsluboltar kenna í Reykjavik fashion academy 22. ágúst 2014 14:00 Þær Selma og Elsa með Stefáni Jörgen sem mun kenna "special effect“ förðun í Reykjavík Fashion Academy á haustönn. Mynd/GVA Förðunarmeistararnir Selma Karlsdóttir og Elsa Þuríður Þórisdóttir eru kennarar förðunardeildar RFA. Þær hafa afar ólíka reynslu að baki en mynda saman frábært teymi sem getur miðlað fjölbreyttum fróðleik til nemenda skólans.Úr heimi kvikmynda Selma slysaðist inn í heim kvikmyndagerðar fyrir tuttugu árum. „Ég var beðin um að leika í tónlistarmyndbandi, kynntist skemmtilegu fólki og fór hægt og rólega að starfa í þessum geira,“ segir Selma. Brátt kynntist hún starfi förðunarfræðinga og fyrr en varði var hún komin í nám í förðunarfræði. „Mér fannst þetta mjög spennandi. Það er svo persónulegt og förðunarfræðingar fá að vera í svo miklu návígi við leikara og fyrirsætur.“ Eftir námið gerðust hlutirnir hratt. Hún fór að vinna í Hörpu, Ávaxtakörfunni og farðaði Russell Crowe fyrir tónlistarmyndband sem hann gerði meðan hann var hér við tökur á myndinni Noah. „Þetta var voða gaman og Russell var mjög almennilegur!“ Selma hefur mörg járn í eldinum. Hún rekur Magma Dive köfunarþjónustu og framleiðir kvikmyndir. Nýjasta verkefni hennar á því sviði er ný mynd eftir Jón Atla Jónasson sem verður frumsýnd í október. Auk þess hefur hún þjónustað erlend fyrirtæki sem hafa komið hingað til lands. Til dæmis breska Vogue, Discovery Channel, Fendi og tekið þátt í Weird Girls-verkefninu.Með mikla reynslu úr leikhúsi „Ég lærði snyrtifræði í Kaupmannahöfn. Síðan fór ég að vinna hjá Þjóðleikhúsi Íslands 1975 og lærði þar hárkollugerð og förðun,“ segir Elsa sem vann þar næstu tólf ár en flutti svo af landi brott. Þegar hún sneri heim fjórtán árum síðar hóf hún aftur störf hjá Þjóðleikhúsinu og farðaði fyrir flestar sýningar sem settar voru á fjalirnar. Hún byrjaði að kenna förðun árið 2010 en hefur kennt við RFA síðan í janúar. Samhliða því vinnur hún við förðun í Borgarleikhúsinu. Innt eftir eftirminnilegum verkefnum segir Elsa úr mörgu að velja. „Það var afskaplega gaman að vinna við Mary Poppins.“Námið í RFA er skemmtilegt og líflegt.Samvinna milli deilda Nemendur í förðun í RFA fá afar breiðan grunn í námi sínu. „Við kennum alhliða förðun, bæði fyrir hvunndaginn en einnig fyrir leikhús, auglýsingar, kvikmyndir og ljósmyndatökur,“ upplýsir Elsa. „Við kennum þeim líka tímabilaförðun, förum í sögu förðunar og svo læra þær bæði fantasíuförðun og „special effect“.“ Rík áhersla er lögð á að nemendur fái víðtæka reynslu svo þeir hafi úr nægu að velja við útskrift. „Við leggjum mikla áherslu á að nemendur séu tilbúnir til að fara út á vinnumarkaðinn þegar þeir koma frá okkur. Hafi hraðann og kunni að vinna,“ bætir Elsa við. Stór kostur við RFA er að þar er mikil samvinna á milli deilda. „Það er mikilvægt fyrir nemendur að kynnast því hvernig er að vinna með stílista og ljósmyndara. Með því að vinna með öðrum deildum læra nemendur hvernig á að bera sig að,“ segir Selma og bendir á að nemendur hafi líka aðgang að fyrirsætum og fái því flottar myndir í möppuna sína. Förðunarfræðingar geta átt von á því að taka þátt í mjög skemmtilegum verkefnum, líkt og myndatöku á jökli.Nemar með í tökur Bæði Selma og Elsa bjóða nemendum að koma með sér í verkefni sem þær eru að vinna að enda telja þær mikilvægt að nemendur fái innsýn í raunverulegt starfsumhverfi förðunarfræðinga. „Nemendurnir fá að sjá hvernig vinnan fer fram á tökustað og vita því betur að hverju þeir ganga eftir að skólanum lýkur,“ segir Selma. Af nógum verkefnum er að taka því skólinn á gott samstarf við Reykjavík Fashion Festival og Secret Solstice svo eitthvað sé nefnt. En ekki er aðeins farið á tökustaði fyrir auglýsingar, leiksýningar og þess háttar heldur er listin einnig kennd í samfélaginu. „Við höfum meira að segja farið á öldrunarheimili og kennt þar förðun fyrir eldra fólk,“ útskýrir Elsa.Góður árangur nemenda Langflestir nemendurnir sem útskrifast hafa frá RFA hafa staðið sig með prýði. „Það hefur sýnt sig að metnaðarfullir krakkar sem við höfum útskrifað hafa komið sér í mörg mjög flott verkefni. Nokkrir hafa unnið í Latabæ, aðrir hafa farið í leikhúsin og ein stelpa hefur ferðast með Game of Thrones, unnið fyrir franska tískuhúsið Hermès og við Volvic-vatnsherferðina,“ upplýsir Selma og Elsa bætir við: „Við reynum að fylgjast með nemendum okkar til að sjá hvernig þeir pluma sig á vinnumarkaðnum. Við erum afar stoltar af þessum krökkum!“ Skráning stendur yfir. Nánari upplýsingar á www.rfa.isTæknibrelluförðun býður upp á ótrúlega förðun. Hér er Páll Óskar í gervi gamals manns.Býr til sár, hauskúpur og líkStefán Jörgen Ágústsson hefur sérhæft sig í „special effect“ förðun. Hann kennir nemendum Reykjavík Fashion Academy að búa til sár úr silíkoni og ýmsar aðrar tæknibrellur. Stefán Jörgen er sjálfmenntaður í heimi „special effect“ förðunar. „Ég byrjaði á þessu tólf, þrettán ára gamall og hef verið að síðan,“ segir Stefán en áhuginn kviknaði út frá nokkrum bíómyndum. „Ég hef alltaf verið mikið fyrir skrímsli og forynjur en sú mynd sem kveikti áhuga minn á þessu fyrir alvöru var Labyrinth með David Bowie auk Star Wars-myndanna. Ég byrjaði að fikra mig áfram alveg frá grunni og náði ansi langt. Svo eignaðist ég bækur og kennslumyndbönd og þannig þróaðist þetta hægt og örugglega,“ segir Stefán. Fyrsta raunverulega verkefnið var að hanna fjölda gríma fyrir stuttmyndina Oiko logos. „Ég fékk reyndar ekkert borgað fyrir það,“ segir Stefán glettinn en fyrsta stóra borgaða verkefnið var Myrkrahöfðingi Hrafns Gunnlaugssonar. Stefán mun meðal annars kenna nemendum að búa til sár.Stærstu verkefnin sem Stefán hefur unnið að eru myndirnar Letters from Iwo Jima, Flags of Our Fathers og The Wolfman með Benicio del Toro í aðalhlutverki. „The Wolfman fékk Óskarsverðlaun fyrir förðun og ég var því mjög lánsamur að fá að vinna við þá mynd,“ segir Stefán, sem var hluti af stóru förðunarteymi í Pinewood Studios-kvikmyndaverinu í Bretlandi. „Ég var aðallega í prufuförðun, þræddi hár á varúlfahendur og gerði við þær.“ Stefán Jörgen hefur áður miðlað af reynslu sinni til förðunarnemenda en kennir nú í fyrsta sinn í RFA. Hann mun til að mynda kenna nemendum að búa til sár af ýmsu tagi úr silíkonefnum. Fyrir utan þetta mun Stefán vera með opin kvöldnámskeið í október.Cara DelevingneMeðal gestakennara RFA á þessu ári er Ísak Freyr, en hann hefur farðað í tískuheiminum í London í áraraðir fyrir viðskiptavini á borð við L’Oreal, Maybelline og Nike. Nú í vor farðaði hann ofurfyrirsætuna Cara Delevingne. Mest lesið Sjö hættulegar gryfjur fyrir hjón og pör að falla í Áskorun Heyrt kjaftasögurnar um eldri mennina sem stýri henni Lífið Will Smith hrifinn af akureyrsku hjartaljósunum Lífið Logi Geirs og Inga Tinna eiga von á barni Lífið Varð móðir sextán ára Lífið Ekki lengur smeykur við að deila kastljósinu með Katrínu Lífið „Elska að hafa skipulagt kaos“ Tíska og hönnun Ebba Katrín valin bæjarlistamaður Hafnarfjarðar Lífið Japaninn sló heimsmet í Hlíðarfjalli Lífið Lekker hæð listakonu til sölu Lífið Fleiri fréttir Taktu þátt í spennandi vorleik á Vísi Fermingargjöf sem lifir um ókomin ár 10 ár af matargleði: Eldum rétt býður í milljón króna ferðalag ILVA tilnefnt til hönnunarverðlauna Bo Bedre Karlmannsnærbuxurnar sem eru að gera allt vitlaust Taktu þátt í skemmtilegum sumarleik! Metum hvort við viljum breyta góðri sögu með sannleika Virkilega spennandi lokamót framundan Hanna draumareitinn fyrir sumarið Fyrstur Íslendinga að keppa í SkyRunning World Series DONE gæinn, markaðsmaður ársins? Brúðkaupsdansinn er einn af hápunktum brúðkaupsins Ný viðbót frá NIVEA dregur úr sýnileika húðslita og litabletta Sætu sænsku vörurnar sem farnar eru á flug um allan heim „Probi Female er það eina sem hefur virkað fyrir mig“ SENSAI í Hagkaup í 30 ár Minnkar kláða og ertingu í húð barnsins „Hárið á mér síkkar bókstaflega á hraða ljóssins“ Taktu þátt í BabyShowerleik Vísis Réttu hlaupafötin fyrir íslenskt „vor“ Góðgerlar sem styðja við þyngdarstjórnun og jafnari blóðsykur Njótum þess að borða það sem við elskum yfir hátíðarnar Sælgætisgerð sem byggir á íslenskri bjartsýni Leiðir gönguhópa um Ítalíu - hreyfiferðir Bændaferða njóta mikilla vinsælda Náttúruleg og ljómandi fermingarförðun Fermingargjöfin sem stenst tímans tönn Grunur um byrlun? Umhverfisvænar hárvörur sem hafa slegið í gegn Átti að hætta að æfa vegna skemmda í brjóski Snabbi og Bísamrottan eru nýjustu meðlimir Múmínkrúsanna Sjá meira
Förðunarmeistararnir Selma Karlsdóttir og Elsa Þuríður Þórisdóttir eru kennarar förðunardeildar RFA. Þær hafa afar ólíka reynslu að baki en mynda saman frábært teymi sem getur miðlað fjölbreyttum fróðleik til nemenda skólans.Úr heimi kvikmynda Selma slysaðist inn í heim kvikmyndagerðar fyrir tuttugu árum. „Ég var beðin um að leika í tónlistarmyndbandi, kynntist skemmtilegu fólki og fór hægt og rólega að starfa í þessum geira,“ segir Selma. Brátt kynntist hún starfi förðunarfræðinga og fyrr en varði var hún komin í nám í förðunarfræði. „Mér fannst þetta mjög spennandi. Það er svo persónulegt og förðunarfræðingar fá að vera í svo miklu návígi við leikara og fyrirsætur.“ Eftir námið gerðust hlutirnir hratt. Hún fór að vinna í Hörpu, Ávaxtakörfunni og farðaði Russell Crowe fyrir tónlistarmyndband sem hann gerði meðan hann var hér við tökur á myndinni Noah. „Þetta var voða gaman og Russell var mjög almennilegur!“ Selma hefur mörg járn í eldinum. Hún rekur Magma Dive köfunarþjónustu og framleiðir kvikmyndir. Nýjasta verkefni hennar á því sviði er ný mynd eftir Jón Atla Jónasson sem verður frumsýnd í október. Auk þess hefur hún þjónustað erlend fyrirtæki sem hafa komið hingað til lands. Til dæmis breska Vogue, Discovery Channel, Fendi og tekið þátt í Weird Girls-verkefninu.Með mikla reynslu úr leikhúsi „Ég lærði snyrtifræði í Kaupmannahöfn. Síðan fór ég að vinna hjá Þjóðleikhúsi Íslands 1975 og lærði þar hárkollugerð og förðun,“ segir Elsa sem vann þar næstu tólf ár en flutti svo af landi brott. Þegar hún sneri heim fjórtán árum síðar hóf hún aftur störf hjá Þjóðleikhúsinu og farðaði fyrir flestar sýningar sem settar voru á fjalirnar. Hún byrjaði að kenna förðun árið 2010 en hefur kennt við RFA síðan í janúar. Samhliða því vinnur hún við förðun í Borgarleikhúsinu. Innt eftir eftirminnilegum verkefnum segir Elsa úr mörgu að velja. „Það var afskaplega gaman að vinna við Mary Poppins.“Námið í RFA er skemmtilegt og líflegt.Samvinna milli deilda Nemendur í förðun í RFA fá afar breiðan grunn í námi sínu. „Við kennum alhliða förðun, bæði fyrir hvunndaginn en einnig fyrir leikhús, auglýsingar, kvikmyndir og ljósmyndatökur,“ upplýsir Elsa. „Við kennum þeim líka tímabilaförðun, förum í sögu förðunar og svo læra þær bæði fantasíuförðun og „special effect“.“ Rík áhersla er lögð á að nemendur fái víðtæka reynslu svo þeir hafi úr nægu að velja við útskrift. „Við leggjum mikla áherslu á að nemendur séu tilbúnir til að fara út á vinnumarkaðinn þegar þeir koma frá okkur. Hafi hraðann og kunni að vinna,“ bætir Elsa við. Stór kostur við RFA er að þar er mikil samvinna á milli deilda. „Það er mikilvægt fyrir nemendur að kynnast því hvernig er að vinna með stílista og ljósmyndara. Með því að vinna með öðrum deildum læra nemendur hvernig á að bera sig að,“ segir Selma og bendir á að nemendur hafi líka aðgang að fyrirsætum og fái því flottar myndir í möppuna sína. Förðunarfræðingar geta átt von á því að taka þátt í mjög skemmtilegum verkefnum, líkt og myndatöku á jökli.Nemar með í tökur Bæði Selma og Elsa bjóða nemendum að koma með sér í verkefni sem þær eru að vinna að enda telja þær mikilvægt að nemendur fái innsýn í raunverulegt starfsumhverfi förðunarfræðinga. „Nemendurnir fá að sjá hvernig vinnan fer fram á tökustað og vita því betur að hverju þeir ganga eftir að skólanum lýkur,“ segir Selma. Af nógum verkefnum er að taka því skólinn á gott samstarf við Reykjavík Fashion Festival og Secret Solstice svo eitthvað sé nefnt. En ekki er aðeins farið á tökustaði fyrir auglýsingar, leiksýningar og þess háttar heldur er listin einnig kennd í samfélaginu. „Við höfum meira að segja farið á öldrunarheimili og kennt þar förðun fyrir eldra fólk,“ útskýrir Elsa.Góður árangur nemenda Langflestir nemendurnir sem útskrifast hafa frá RFA hafa staðið sig með prýði. „Það hefur sýnt sig að metnaðarfullir krakkar sem við höfum útskrifað hafa komið sér í mörg mjög flott verkefni. Nokkrir hafa unnið í Latabæ, aðrir hafa farið í leikhúsin og ein stelpa hefur ferðast með Game of Thrones, unnið fyrir franska tískuhúsið Hermès og við Volvic-vatnsherferðina,“ upplýsir Selma og Elsa bætir við: „Við reynum að fylgjast með nemendum okkar til að sjá hvernig þeir pluma sig á vinnumarkaðnum. Við erum afar stoltar af þessum krökkum!“ Skráning stendur yfir. Nánari upplýsingar á www.rfa.isTæknibrelluförðun býður upp á ótrúlega förðun. Hér er Páll Óskar í gervi gamals manns.Býr til sár, hauskúpur og líkStefán Jörgen Ágústsson hefur sérhæft sig í „special effect“ förðun. Hann kennir nemendum Reykjavík Fashion Academy að búa til sár úr silíkoni og ýmsar aðrar tæknibrellur. Stefán Jörgen er sjálfmenntaður í heimi „special effect“ förðunar. „Ég byrjaði á þessu tólf, þrettán ára gamall og hef verið að síðan,“ segir Stefán en áhuginn kviknaði út frá nokkrum bíómyndum. „Ég hef alltaf verið mikið fyrir skrímsli og forynjur en sú mynd sem kveikti áhuga minn á þessu fyrir alvöru var Labyrinth með David Bowie auk Star Wars-myndanna. Ég byrjaði að fikra mig áfram alveg frá grunni og náði ansi langt. Svo eignaðist ég bækur og kennslumyndbönd og þannig þróaðist þetta hægt og örugglega,“ segir Stefán. Fyrsta raunverulega verkefnið var að hanna fjölda gríma fyrir stuttmyndina Oiko logos. „Ég fékk reyndar ekkert borgað fyrir það,“ segir Stefán glettinn en fyrsta stóra borgaða verkefnið var Myrkrahöfðingi Hrafns Gunnlaugssonar. Stefán mun meðal annars kenna nemendum að búa til sár.Stærstu verkefnin sem Stefán hefur unnið að eru myndirnar Letters from Iwo Jima, Flags of Our Fathers og The Wolfman með Benicio del Toro í aðalhlutverki. „The Wolfman fékk Óskarsverðlaun fyrir förðun og ég var því mjög lánsamur að fá að vinna við þá mynd,“ segir Stefán, sem var hluti af stóru förðunarteymi í Pinewood Studios-kvikmyndaverinu í Bretlandi. „Ég var aðallega í prufuförðun, þræddi hár á varúlfahendur og gerði við þær.“ Stefán Jörgen hefur áður miðlað af reynslu sinni til förðunarnemenda en kennir nú í fyrsta sinn í RFA. Hann mun til að mynda kenna nemendum að búa til sár af ýmsu tagi úr silíkonefnum. Fyrir utan þetta mun Stefán vera með opin kvöldnámskeið í október.Cara DelevingneMeðal gestakennara RFA á þessu ári er Ísak Freyr, en hann hefur farðað í tískuheiminum í London í áraraðir fyrir viðskiptavini á borð við L’Oreal, Maybelline og Nike. Nú í vor farðaði hann ofurfyrirsætuna Cara Delevingne.
Mest lesið Sjö hættulegar gryfjur fyrir hjón og pör að falla í Áskorun Heyrt kjaftasögurnar um eldri mennina sem stýri henni Lífið Will Smith hrifinn af akureyrsku hjartaljósunum Lífið Logi Geirs og Inga Tinna eiga von á barni Lífið Varð móðir sextán ára Lífið Ekki lengur smeykur við að deila kastljósinu með Katrínu Lífið „Elska að hafa skipulagt kaos“ Tíska og hönnun Ebba Katrín valin bæjarlistamaður Hafnarfjarðar Lífið Japaninn sló heimsmet í Hlíðarfjalli Lífið Lekker hæð listakonu til sölu Lífið Fleiri fréttir Taktu þátt í spennandi vorleik á Vísi Fermingargjöf sem lifir um ókomin ár 10 ár af matargleði: Eldum rétt býður í milljón króna ferðalag ILVA tilnefnt til hönnunarverðlauna Bo Bedre Karlmannsnærbuxurnar sem eru að gera allt vitlaust Taktu þátt í skemmtilegum sumarleik! Metum hvort við viljum breyta góðri sögu með sannleika Virkilega spennandi lokamót framundan Hanna draumareitinn fyrir sumarið Fyrstur Íslendinga að keppa í SkyRunning World Series DONE gæinn, markaðsmaður ársins? Brúðkaupsdansinn er einn af hápunktum brúðkaupsins Ný viðbót frá NIVEA dregur úr sýnileika húðslita og litabletta Sætu sænsku vörurnar sem farnar eru á flug um allan heim „Probi Female er það eina sem hefur virkað fyrir mig“ SENSAI í Hagkaup í 30 ár Minnkar kláða og ertingu í húð barnsins „Hárið á mér síkkar bókstaflega á hraða ljóssins“ Taktu þátt í BabyShowerleik Vísis Réttu hlaupafötin fyrir íslenskt „vor“ Góðgerlar sem styðja við þyngdarstjórnun og jafnari blóðsykur Njótum þess að borða það sem við elskum yfir hátíðarnar Sælgætisgerð sem byggir á íslenskri bjartsýni Leiðir gönguhópa um Ítalíu - hreyfiferðir Bændaferða njóta mikilla vinsælda Náttúruleg og ljómandi fermingarförðun Fermingargjöfin sem stenst tímans tönn Grunur um byrlun? Umhverfisvænar hárvörur sem hafa slegið í gegn Átti að hætta að æfa vegna skemmda í brjóski Snabbi og Bísamrottan eru nýjustu meðlimir Múmínkrúsanna Sjá meira