Innlent

Reyndi að smygla fíkniefnum í Kindereggpakkningum innvortis til landsins

Birgir Olgeirsson skrifar
Flugstöð Leifs Eiríkssonar.
Flugstöð Leifs Eiríkssonar. Vísir/Kristín María
Erlendur karlmaður situr nú í gæsluvarðhaldi eftir að hafa gert tilraun til að smygla fíkniefnum til landsins um miðjan mánuðinn en efnunum hafði verið komið fyrir í Kindereggpakkningum.

Samkvæmt tilkynningu frá lögreglustjóranum á Suðurnesjum stöðvuðu tollverðir manninn í Flugstöð Leifs Eiríkssonar vegna gruns um að hann væri með fíkniefni í fórum sínum.

Lögreglan á Suðurnesjum færði hann síðan til skoðunar á Heilbrigðisstofnun Suðurnesja þar sem staðfest var að hann væri með fíkniefni innvortis. Maðurinn skilaði tíu pakkningum sem reyndust innihalda um það bil 330 grömm af metamfetamíni sem hafði verið komið fyrir í Kindereggpakkningum.

Maðurinn hefur verið úrskurðaður í gæsluvarðhald til 24. apríl næstkomandi. Lögreglan á Suðurnesjum rannsakar málið.



Fleiri fréttir

Sjá meira


×