SUNNUDAGUR 26. JÚNÍ NÝJAST 02:43

Stuđ og stemning hjá Andra í Iđnó - Myndir

FRÉTTIR

Reyndi ađ sameina íslamista í Sýrlandi

 
Erlent
23:21 29. JANÚAR 2016
Vígamenn Nusra front í Aleppo.
Vígamenn Nusra front í Aleppo. VÍSIR/AFP

Leiðtogi al-Qaeda í Sýrlandi reyndi nýverið að sameina vígahópa íslamista í Sýrlandi í eina stóra heild. Abu Mohamad al-Golani vildi mynda stóra fylkingu til móts við Íslamska ríkið og stjórnarher Sýrlands og auka líkurnar á stuðningi frá utanaðkomandi aðilum.

Hann sagði leiðtogum annarra hópa að til greina kæmi að breyta nafni hópsins úr Nusra front, en þeir yrðu hliðhollir al-Qaeda og leiðtoga þeirra Ayman al-ZawahriZawahri tók við stjórnartaumunum þegar Bandaríkjamenn felldu Osama Bin Laden árið 2011.

Þetta kemur fram í frétt Reuters, en viðræðurnar mistókust og meðlimir Nusra Front kenna hóp sem ber heitið Ahrar al-Sham, um að slitnað hafi upp úr viðræðunum. Þær eru sagðar hafa átt sér stað fyrir um tíu dögum.

Nokkrum dögum seinna kom til bardaga á milli Nusra front og Ahrar al-Sham og féllu vígamenn beggja vegna. Aðrir uppreisnarhópar miðluðu þó málum þeirra á milli og var vopnahlé samþykkt. Heimildir Reuters segja þó einungis tímaspursmál hvenær í brýna slær á milli þeirra aftur.

Síðast þegar margir uppreisnarhópar mynduðu eina heild, þó tímabundið, unnu þeir einn af sínum stærstu sigrum og hertóku borgina Idlib.

Meðlimir Nusra front saka al-Sham um að vera peð fyrir yfirvöld Tyrklands en al-Sham-liðar vilja að Nusra-menn slíti tengslin á milli sín og al-Qaeda.

Stríð hefur nú geisað í Sýrlandi í tæp fimm ár og um 250 þúsund manns hafa látið lífið og milljónir hafa þurft að yfirgefa heimili sín.

Hér má sjá kort yfir stöðu mála í Sýrlandi sem uppfært er reglulega.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Reyndi ađ sameina íslamista í Sýrlandi
Fara efst