Lífið

Eldri kona reykti rafsígarettu í flugi Icelandair

Bjarki Ármannsson skrifar
Knattspyrnukappinn ungi náði að smella af nokkrum myndum í fluginu.
Knattspyrnukappinn ungi náði að smella af nokkrum myndum í fluginu. Mynd/Albert/Heerenveen
„Ég hafði mjög gaman af henni,“ segir Albert Guðmundsson, knattspyrnumaður hjá Heerenveen, um ferðafélaga sinn í flugi Icelandair til Íslands í gær. Um var að ræða erlenda eldri konu sem lét sig lítið varða um reglur sem flestir eiga að kunna og reykti rafsígarettu í gríð og erg.

„Hún var að drekka á fullu og reykja rafrettuna sína,“ segir Albert. „Hún var reyndar beðin um að hætta en hún náði alltaf að fá sér smá þegar flugfreyjan var ekki að horfa.“

Albert segir rafreykingar sætisfélaga síns ekki hafa angrað sig. Hann stóðst ekki mátið og náði að taka myndir af henni, sem hann deildi svo með fylgjendum sínum á Twitter.






Fleiri fréttir

Sjá meira


×