Rekstrarleyfi veitt fyrir laxeldi í Fossfirði

Fiskistofa hefur veitt Fjarðarlaxi ehf., rekstrarleyfi til að stunda eldi á laxi í sjókvíum í Fossfirði í Arnarfirði til næstu 10 ára. Er fyrirtækinu heimilt er að framleiða þar allt að 1.500 tonn af laxi árlega. Leyfið gildir frá 1. febrúar árið 2012 til 1. febrúar 2022 að því tilskildu að starfsemin stöðvist ekki í 24 mánuði samfleytt. Í greinargerð Fjarðarlax ehf. með umsögn um leyfi fyrir fiskeldi frá því vor segir að eldið verði byggt upp í tveimur þrepum.

Fyrirhugað var að setja 500.000 laxaseiði í Fossfjörð í sumar og áætlað að slátrun á þessum fiski verði lokið haustið 2013. Vorið 2014 sé fyrirhugað að setja út eina milljón laxaseiða, sem áætlað er að skili sér í 4500 tonna framleiðslu árin 2015/2016 en hámarks lífmassi í firðinum verði 3000 tonn, skömmu áður en slátrun hefst.

thelma@bb.is