Formúla 1

Red Bull vill semja við Renault aftur

Kristinn Ásgeir Gylfason skrifar
Daniil Kvyat í Red Bull Renault bílnum í Mexíkó, ætli það verði Red Bull Infiniti á næsta ári?
Daniil Kvyat í Red Bull Renault bílnum í Mexíkó, ætli það verði Red Bull Infiniti á næsta ári? Vísir/getty
Red Bull hefur ekki tekist að semja við neinn annan vélaframleiðanda í Formúlu 1 að undanförnu og snýr sér nú aftur til Renault.

Fyrrum heimsmeistararnir í Red Bull gáfu skýrt til kynna fyrr á tímabilinu að liðið vildi ekki notast við Renault vélar áfram eftir tímabilið. Hins vegar var enginn annar vélaframleiðandi vildi semja við Red Bull og þeir eru því komnir hringinn, aftur að Renault.

Samningurinn sem er á borðinu er óhefðbundinn. Red Bull vill ekki meira samstarf við Renault. Red Bull vill eingöngu fá vél og svo ætlar Red Bull að þróa hana áfram í herbúðum sínum, óháð Renault.

Red Bull yrði því vélaframleiðandi, án þess að framleiða vélina. Vélin gæti hugsanlega fengið nafn eins stærsta styrktaraðila Red Bull. Bílaframleiðandinn Infiniti, gæti viljað fá nafn sitt á vélina.

Fresturinn til að bjarga vélarvana liðinu hefur verið framlengdur til loka nóvember.

Renault hefur ekki skrifað undir samninginn og óvíst er hvernig Renault lýst á hann. Nú þarf franski framleiðandinn að vega kosti hans og galla og komast að niðurstöðu.


Tengdar fréttir

Bílskúrinn: Mikilvægur mexíkóskur kappakstur

Fyrsta Formúlu 1 keppnin í Mexíkó síðan árið 1992 fór fram um liðna helgi. Farið verður yfir allt það helsta frá helginni í Bílskúrnum, uppgjöri hvers kappaksturs hér á Vísi.

Ferrari beitir neitunarvaldi

FIA, Alþjóða akstursíþróttasambandið lagði til að verðþak yrði sett á vélar fyrir komandi tímabil. Ferrari beitti neitunarvaldi í málinu.

FIA bannar sölu ársgamalla véla

FIA, Alþjóða akstursíþróttasambandið hefur meinað vélaframleiðendum í Formúlu 1 að selja ársgamlar vélar til viðskiptavina sinna.




Fleiri fréttir

Sjá meira


×