Real Madrid vildi ekki styggja Ronaldo

 
Fótbolti
12:00 21. JANÚAR 2016
Real Madrid vildi ekki styggja Ronaldo

Spænskir fjölmiðlar fjalla um það í dag að Gareth Bale sé í raun dýrasti knattspyrnumaður heimsins, ekki Cristiano Ronaldo.

Þessu hefur lengi verið haldið fram í enskum fjölmiðlum en þegar Real Madrid keypti Bale frá Tottenham á sínum tíma var gefið út að kaupverðið væri 91,59 milljónir evra. Real keypti Cristiano Ronaldo frá Manchester United á 96 milljónir evra á sínum tíma.

Vefsíðan Football Leaks hefur lekið skjali sem á að vera samningur Real Madrid og Tottenham vegna kaupanna á Bale. Þar kemur fram að lokaverð Bale sé rétt rúmar 100 milljónir evra þegar allt var tekið saman.

Í samningnum er einnig sérstaklega tekið fram að Real Madrid muni gefa út yfirlýsingu um að verð Bale hafi verið 91,59 milljónir evra og að Tottenham mætti ekki tjá sig um kaupverðið.

Fullyrt er að ástæðan fyrir því er til að styggja ekki Cristiano Ronaldo, sem mun ekki vera hrifinn af því að einhver annar knattspyrnumaður hafi í raun verið dýrari en hann.



Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Real Madrid vildi ekki styggja Ronaldo
Fara efst