Fótbolti

Ragnar og félagar unnu góðan útisigur

Tómas Þór Þórðarson skrifar
Ragnar Sigurðsson í leik með Krasnodar.
Ragnar Sigurðsson í leik með Krasnodar. vísir/getty
Ragnar Sigurðsson og félagar hans unnu góðan útisigur á Amkar Perm í rússnesku úrvalsdeildinni í knattspyrnu í dag, 2-1.

Krasnodar spilaði í Evrópudeildinni gegn Lille á fimmtudaginn og fékk því lengri hvíld sem virðist hafa gert liðinu gott.

Brasilíumennirnir Wanderson og Joaozinho sáu um markaskorun fyrir gestina frá Krasnodar sem eru með 14 stig í sjöunda sæti deildarinnar eftir átta umferðir.

Ragnar spilaði að vanda allan leikinn í byrjunarliði Krasnodar sem er búið að fá á sig sex mörk í fyrstu átta umferðunum, en Ragnar hefur verið að spila mjög vel.




Fleiri fréttir

Sjá meira


×