Rafbók í efnafræði gefin út við HA

Námsefni í efnafræði fyrir háskólastig verður gefið út á rafrænu formi í fyrsta sinn nú í haust. Sigurður Bjarklind aðjúnkt og Andri Gylfason lífefnafræðingur, báðir við Háskólann á Akureyri, tóku saman rafbókina sem ber heitið Grunnatriði efnafræðinnar.

Í tilkynningu frá skólanum segir að bókin innihaldi meðal annars krækjur á fyrirlestra um ýmis hugtök og allar töflur og myndir séu stækkanlegar. Munu nemar fá aðgang að námsefninu í gegnum tölvupóst.