Ráðist á íslenska fyrirsætu í Berlín: „Hey ladyboy, ladyboy?“ Kolbeinn Tumi Daðason skrifar 30. maí 2016 17:13 Úlfar Loga verður reglulega fyrir fordómum vegna samkynhneigðar í þýsku borginni. Mynd/Anna-Lena Krause Úlfar Logason, ljósmyndari og fyrirsæta sem búsettur er í Neukölln-hverfinu í Berlín, varð fyrir líkamsárás um helgina. Hann segist endurtekið verða fyrir aðkasti ytra en fordómar í garð samkynhneigðra í þýsku borginni eru annars eðlis en fordómar hér á landi. Honum líður þrátt fyrir allt vel í Berlín en er ekki par sáttur við viðbrögð starfsmanna í símaveri lögreglu um helgina eftir að ráðist var á hann. Úlfar hafði nýlokið við að verða sér úti um áverkavottorð þegar hann ræddi við blaðamann í dag. Hann segist hafa verið að koma af lestarstöð í borginni um hálf þrjú aðfaranótt sunnudags þegar hann varð var við mann sem stóð efst í tröppunni. Úlfar segir manninn kallað að honum: „Hey ladyboy, ladyboy?“. Úlfar man eftir því að hafa sagt við manninn „Excuse me?“ en næst muni hann eftir sér liggjandi í tröppunum. Maðurinn hafði kýlt hann kaldan.Skellt á hjá lögreglu „Vinur minn hringdi á lögregluna,“ segir Úlfar en virtist ekki eiga erindi sem erfiði. Maðurinn hafi enn verið á svæðinu og fylgst með þeim en starfsmenn í símaveri lögreglunnar voru ekki á þeim buxunum að senda menn á vettvang. Úlfar segist hafa hringt sjálfur en lent í orðaskaki við starfsmann símaversins sem talaði varla ensku. Úlfar viðurkennir að hafa verið í nokkru uppnámi enda ekki skilið hvers vegna þau vildu ekki senda lögreglumann á vettvang. Þá hafi hann fengið í andlitið að í Þýskalandi ættu menn að tala þýsku og spurt hvaðan Úlfar væri? Þegar Úlfar spurði starfsmanninn að nafni skellti starfsmaðurinn á hann. Úlfar segist hafa hringt inn tólf sinnum til viðbótar en án árangurs. Skellt var á jafnharðan. Þýskur vinur hans hafi loks hringt og rætt við starfsfólkið sem hafi hneykslast á hegðun Úlfars. Símtalið var á „speaker“ svo Úlfar heyrði það sem fór þeirra á milli. „Ég heyrði þá hlæja í bakgrunni,“ segir Úlfar. Hann ber þó lögreglumönnum í Þýskalandi vel söguna. Hans gagnrýni snúi alfarið að þeim sem svari í símann þegar tilkynnt er. Brotist hafi verið inn hjá vinkonu hans á dögunum sem hafi hrakið þjófana á brott. Hún hafi tilkynnt málið til lögreglu og fengið þau svör að lögreglumenn væru á leiðinni. Þegar enginn kom hafði hún samband aftur en fékk þau skilaboð að lögreglan væri ekki væntanleg fyrr en í næstu viku. Fleiri samkynhneigðir á Íslandi en fólk heldur Úlfar hefur búið í Berlín í tvö ár. Hann býr í láglaunahverfi þar sem að hans sögn er mikið af ómenntuðu fólki. „Ef þú ert öðruvísi, þá ertu frík,“ segir Úlfar sem finnur fyrir því að fólk stari á hann, til dæmis í lestinni. Þýskan hans er að verða betri og hann farinn að skilja betur það sem sagt er við hann. Fær hann reglulega að heyra orðið „schwuchtel“ sem þýðir drottning en svo er það líka „schwul“ sem þýðir einfaldlega hommi. Hann finnur fyrir miklum fordómum þar sem hann og vinir hans lendi í áreiti í lestinni og á götunum. Stundum eru þeir eltir heim til sín. Úlfar segist íhuga alvarlega að flytja í annað hverfi þar sem hann mæti ekki fólki að gera hægðir sínar úti á götu eins og hann hefur upplifað. Hingað til hafi lítið framboð á íbúðum haldið aftur af honum en nú sé nóg komið. Blaðamaður spyr hvort fordómarnir séu töluvert meiri ytra en hér á Íslandi í garð samkynhneigðra. Úlfar segir að fordómarnir séu annars eðlis. „Það eru miklu fleiri samkynhneigðir á Íslandi en menn halda. Það þora bara ekki allir að koma út. Við höldum að við séum svo opin en erum það ekki inn við beinið,“ segir Úlfar. „Suck my dick!“ „Þegar ég kem til Íslands er ég ekki karlmaður, ég er homminn,“ segir Úlfar. „Hér í Berlín þarf ég aldrei að tala um kynhneigð mína.“ Ytra séu hins vegar skemmdu eplin áberandi, líkt og þau sem verða alltof oft á vegi hans. Á dögunum var hann á göngu í þýsku borginni en hann gengur hratt að eigin sögn. Allt í einu var þýskumælandi karlmaður byrjaður að ganga við hlið hans, jafnhratt og átti greinilega við hann erindi. Hann hafi talað á þýsku en Úlfar útskýrt að þýska hans væri ekki svo góð. Hann hafi boðist til að tala ensku en aftur byrjað að tala á þýsku. „Svo kemur hann við klofið á sér og segir: „suck my dick, suck my dick“,“ segir Úlfar sem henti bjórnum sínum í manninn og öskraði á hann: „ FUCK YOU, YOU PIECE OF GARBAGE!!!!“ „Það gerðist líka í lestinni að fimm til sex gæjar spurðu mig hvort þeir mættu koma heim og ríða mér.“Þrátt fyrir áreitnina segist honum líða vel í Berlín og lífið sé heilt yfir þægilegra. Hann ætli þó að leita réttar síns vegna líkamsárásarinnar um helgina. Hann hafi þegar verið í sambandi við réttindasamtök samkynhneigðra sem veiti andlegan og lagalegan stuðning. Þá ætli hann að leggja fram formlega kvörtun hjá lögreglu. Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Íkveikjan ekki talin hafa beinst að Trump eða réttarhöldunum Erlent Þjófunum yfirsást taska með milljónum króna Innlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Kveikti í sér fyrir utan dómshúsið þar sem réttað er yfir Trump Erlent Átta forsetaefni klár með listana Innlent Fleiri fréttir Getur gosið hvenær sem er Að taka afstöðu er einkamál hvers og eins Besti vinur úlfanna hlakkar til að tengjast áhorfendum í Hörpu Pollrólegur í viðtali í 45 metra hæð yfir borginni Tilkynnti sig tvisvar til barnaverndar til að fá aðstoð fyrir einhverfa dóttur Bandarísk þota í vandræðum lenti í Keflavík Þjófunum yfirsást taska með milljónum króna Framkvæmdastjórinn sagður hafa greitt sjálfum sér án heimildar Yfirvofandi eldgos, örvæntingarfull móðir og Hamraborgarþjófarnir Eiga von á öðru eldgosi Maður með kókaín í niðursuðudósum fær mildari dóm Tók upp þegar hann nauðgaði kærustu sinni í tvígang Öllum dómurum skipt út í milljarðamáli fyrrverandi ráðherra Skoðar róttækar breytingar á vaxtabótakerfinu Baldur segir lygasögur ekki hafa nein áhrif á þá Felix Ráðnar aðstoðarmenn nýrrar ríkisstjórnar Átta forsetaefni klár með listana Þórhildur og Heiða María hlutu Hvatningarverðlaun Rannsóknasjóðs Taska stútfull af milljónum króna enn ófundin Ófundin peningataska, aukin spenna í Mið-Austurlöndum og breyting á vaxtabótum Svona var Pallborðið með Baldri, Höllu Hrund og Jóni Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Sjá meira
Úlfar Logason, ljósmyndari og fyrirsæta sem búsettur er í Neukölln-hverfinu í Berlín, varð fyrir líkamsárás um helgina. Hann segist endurtekið verða fyrir aðkasti ytra en fordómar í garð samkynhneigðra í þýsku borginni eru annars eðlis en fordómar hér á landi. Honum líður þrátt fyrir allt vel í Berlín en er ekki par sáttur við viðbrögð starfsmanna í símaveri lögreglu um helgina eftir að ráðist var á hann. Úlfar hafði nýlokið við að verða sér úti um áverkavottorð þegar hann ræddi við blaðamann í dag. Hann segist hafa verið að koma af lestarstöð í borginni um hálf þrjú aðfaranótt sunnudags þegar hann varð var við mann sem stóð efst í tröppunni. Úlfar segir manninn kallað að honum: „Hey ladyboy, ladyboy?“. Úlfar man eftir því að hafa sagt við manninn „Excuse me?“ en næst muni hann eftir sér liggjandi í tröppunum. Maðurinn hafði kýlt hann kaldan.Skellt á hjá lögreglu „Vinur minn hringdi á lögregluna,“ segir Úlfar en virtist ekki eiga erindi sem erfiði. Maðurinn hafi enn verið á svæðinu og fylgst með þeim en starfsmenn í símaveri lögreglunnar voru ekki á þeim buxunum að senda menn á vettvang. Úlfar segist hafa hringt sjálfur en lent í orðaskaki við starfsmann símaversins sem talaði varla ensku. Úlfar viðurkennir að hafa verið í nokkru uppnámi enda ekki skilið hvers vegna þau vildu ekki senda lögreglumann á vettvang. Þá hafi hann fengið í andlitið að í Þýskalandi ættu menn að tala þýsku og spurt hvaðan Úlfar væri? Þegar Úlfar spurði starfsmanninn að nafni skellti starfsmaðurinn á hann. Úlfar segist hafa hringt inn tólf sinnum til viðbótar en án árangurs. Skellt var á jafnharðan. Þýskur vinur hans hafi loks hringt og rætt við starfsfólkið sem hafi hneykslast á hegðun Úlfars. Símtalið var á „speaker“ svo Úlfar heyrði það sem fór þeirra á milli. „Ég heyrði þá hlæja í bakgrunni,“ segir Úlfar. Hann ber þó lögreglumönnum í Þýskalandi vel söguna. Hans gagnrýni snúi alfarið að þeim sem svari í símann þegar tilkynnt er. Brotist hafi verið inn hjá vinkonu hans á dögunum sem hafi hrakið þjófana á brott. Hún hafi tilkynnt málið til lögreglu og fengið þau svör að lögreglumenn væru á leiðinni. Þegar enginn kom hafði hún samband aftur en fékk þau skilaboð að lögreglan væri ekki væntanleg fyrr en í næstu viku. Fleiri samkynhneigðir á Íslandi en fólk heldur Úlfar hefur búið í Berlín í tvö ár. Hann býr í láglaunahverfi þar sem að hans sögn er mikið af ómenntuðu fólki. „Ef þú ert öðruvísi, þá ertu frík,“ segir Úlfar sem finnur fyrir því að fólk stari á hann, til dæmis í lestinni. Þýskan hans er að verða betri og hann farinn að skilja betur það sem sagt er við hann. Fær hann reglulega að heyra orðið „schwuchtel“ sem þýðir drottning en svo er það líka „schwul“ sem þýðir einfaldlega hommi. Hann finnur fyrir miklum fordómum þar sem hann og vinir hans lendi í áreiti í lestinni og á götunum. Stundum eru þeir eltir heim til sín. Úlfar segist íhuga alvarlega að flytja í annað hverfi þar sem hann mæti ekki fólki að gera hægðir sínar úti á götu eins og hann hefur upplifað. Hingað til hafi lítið framboð á íbúðum haldið aftur af honum en nú sé nóg komið. Blaðamaður spyr hvort fordómarnir séu töluvert meiri ytra en hér á Íslandi í garð samkynhneigðra. Úlfar segir að fordómarnir séu annars eðlis. „Það eru miklu fleiri samkynhneigðir á Íslandi en menn halda. Það þora bara ekki allir að koma út. Við höldum að við séum svo opin en erum það ekki inn við beinið,“ segir Úlfar. „Suck my dick!“ „Þegar ég kem til Íslands er ég ekki karlmaður, ég er homminn,“ segir Úlfar. „Hér í Berlín þarf ég aldrei að tala um kynhneigð mína.“ Ytra séu hins vegar skemmdu eplin áberandi, líkt og þau sem verða alltof oft á vegi hans. Á dögunum var hann á göngu í þýsku borginni en hann gengur hratt að eigin sögn. Allt í einu var þýskumælandi karlmaður byrjaður að ganga við hlið hans, jafnhratt og átti greinilega við hann erindi. Hann hafi talað á þýsku en Úlfar útskýrt að þýska hans væri ekki svo góð. Hann hafi boðist til að tala ensku en aftur byrjað að tala á þýsku. „Svo kemur hann við klofið á sér og segir: „suck my dick, suck my dick“,“ segir Úlfar sem henti bjórnum sínum í manninn og öskraði á hann: „ FUCK YOU, YOU PIECE OF GARBAGE!!!!“ „Það gerðist líka í lestinni að fimm til sex gæjar spurðu mig hvort þeir mættu koma heim og ríða mér.“Þrátt fyrir áreitnina segist honum líða vel í Berlín og lífið sé heilt yfir þægilegra. Hann ætli þó að leita réttar síns vegna líkamsárásarinnar um helgina. Hann hafi þegar verið í sambandi við réttindasamtök samkynhneigðra sem veiti andlegan og lagalegan stuðning. Þá ætli hann að leggja fram formlega kvörtun hjá lögreglu.
Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Íkveikjan ekki talin hafa beinst að Trump eða réttarhöldunum Erlent Þjófunum yfirsást taska með milljónum króna Innlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Kveikti í sér fyrir utan dómshúsið þar sem réttað er yfir Trump Erlent Átta forsetaefni klár með listana Innlent Fleiri fréttir Getur gosið hvenær sem er Að taka afstöðu er einkamál hvers og eins Besti vinur úlfanna hlakkar til að tengjast áhorfendum í Hörpu Pollrólegur í viðtali í 45 metra hæð yfir borginni Tilkynnti sig tvisvar til barnaverndar til að fá aðstoð fyrir einhverfa dóttur Bandarísk þota í vandræðum lenti í Keflavík Þjófunum yfirsást taska með milljónum króna Framkvæmdastjórinn sagður hafa greitt sjálfum sér án heimildar Yfirvofandi eldgos, örvæntingarfull móðir og Hamraborgarþjófarnir Eiga von á öðru eldgosi Maður með kókaín í niðursuðudósum fær mildari dóm Tók upp þegar hann nauðgaði kærustu sinni í tvígang Öllum dómurum skipt út í milljarðamáli fyrrverandi ráðherra Skoðar róttækar breytingar á vaxtabótakerfinu Baldur segir lygasögur ekki hafa nein áhrif á þá Felix Ráðnar aðstoðarmenn nýrrar ríkisstjórnar Átta forsetaefni klár með listana Þórhildur og Heiða María hlutu Hvatningarverðlaun Rannsóknasjóðs Taska stútfull af milljónum króna enn ófundin Ófundin peningataska, aukin spenna í Mið-Austurlöndum og breyting á vaxtabótum Svona var Pallborðið með Baldri, Höllu Hrund og Jóni Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Sjá meira