FIMMTUDAGUR 30. MARS NÝJAST 08:00

Messi: Var ađ blóta loftinu en ekki línuverđinum

SPORT

Rađir og rangar stćrđir ekki hindrun í Yeezy droppi

 
Tíska og hönnun
09:45 14. FEBRÚAR 2017
Ţau Aron, Sigríđur og Guđmundur biđu fyrir utan Húrra Reykjavík eftir Yeezy-pari.
Ţau Aron, Sigríđur og Guđmundur biđu fyrir utan Húrra Reykjavík eftir Yeezy-pari. VÍSIR/EYŢÓR

Aftur beið fólk spennt eftir nýjustu skónum í Yeezy Boost línu Kanye West, en fyrir utan bæði karla- og kvennabúð Húrra Reykjavík mynduðust langar raðir um helgina. Einhverjir biðu heila nótt.

Aron Kristinn Jónasson var einn af þeim sem mættu snemma í röðina á laugardagsmorgun.

„Ég vaknaði klukkan 6.45, klæddi mig vel og var mættur í kringum 7.00. Röðin var þá að inngangi Kirkjuhússins á móti Spúútnik á Laugavegi. Ég beið í fimm tíma til að komast inn í búðina en það var fínt veður svo þetta leið hratt. Það voru alveg einhverjir gaurar sem biðu í 16 tíma sem mér finnst persónulega of mikið fyrir skópar,“ segir Aron, en aðspurður að því hvort hann ætli sér að selja skóna sína, eins og sumir hafi verið að gera segir hann að „skór [séu] til að nota“. Aron náði þó ekki sinni stærð en lét það ekki stoppa sig.


Aron Kristinn Jónasson mćtti snemma.
Aron Kristinn Jónasson mćtti snemma. VÍSIR/EYŢÓR

„Með svona „limited“ skó þá vinnur maður bara með það sem er í boði, ég nota t.d. stærð 44 venjulega en fékk skóna í 422/3. Tók bara innleggið úr og tróð mér í þá. Hefði sennilega notað allt frá 42-451/3. 5 klukkutímar fyrir par af Yeezy er „no brainer“. Þægilegir svartir skór sem auðvelt er að nota við hvaða föt sem er.“


Sigríđur Margrét beiđ nú ekki lengi en ţetta var ekki hennar fyrsta biđröđ eftir Kanye West-tengdum vörum.
Sigríđur Margrét beiđ nú ekki lengi en ţetta var ekki hennar fyrsta biđröđ eftir Kanye West-tengdum vörum. VÍSIR/EYŢÓR

Sigríður Margrét var heppin og beið ekki lengi í röðinni en henni finnst samt ekkert tilökumál að bíða í nokkra klukkutíma eftir varningi tengdum Kanye West enda safnari.

„Ég mætti sirka klukkan 11.00 og beið í svona 20-30 mínútur í röð. Ég ætla að eiga skóna og ég myndi aldrei tíma að selja þá. Ég er mikill aðdáandi Kanye West og finnst skórnir sjálfir mjög flottir.

Mér finnst líka gaman að safna – er búin að kaupa varning líka eftir Kanye og beið eftir honum í sirka þrjá klukkutíma í Boston fyrir Saint Pablo-tónleika sem við kærastinn minn fórum á.“


Guðmundur Ragnarsson, kærasti Sigríðar, mætti einmitt líka í röðina, nema þau biðu fyrir utan sitthvort útibúið af Húrra. Hann mætti á svipuðum tíma og Sigríður og þurfti því ekki að bíða jafn lengi og sumir, en líkt og Aron þurfti hann að sætta sig við aðra stærð en þá sem hann venjulega notar.

„Ég beið í sirka 25-30 mínútur í röð eftir að komast inn. Ég var mjög heppinn að fá stærð sem nokkurn veginn passar á mig,“ segir Guðmundur sem tekur það fram að hann ætli að sjálfsögðu að ganga í skónum. Aðspurður hvers vegna hann hafi verið til í að standa í röð eftir djásninu stendur ekki á svörum:

„Ég hef mikla ástríðu fyrir „sneakers“ og myndi aldrei missa af Yeezy droppi!“


Guđmundur Ragnarsson myndi aldrei missa af Yeezy droppi.
Guđmundur Ragnarsson myndi aldrei missa af Yeezy droppi. VÍSIR/EYŢÓR


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ

TAROT DAGSINS

Dragđu spil og sjáđu hvađa spádóm ţađ geymir.
Forsíđa / Lífiđ / Tíska og hönnun / Rađir og rangar stćrđir ekki hindrun í Yeezy droppi
Fara efst