Körfubolti

Philadelphia í hópi verstu liða sögunnar

Eiríkur Stefán Ásgeirsson skrifar
Það gengur ekki neitt sérstaklega vel hjá Philadelphia þessa dagana.
Það gengur ekki neitt sérstaklega vel hjá Philadelphia þessa dagana. Vísir/Getty
Á meðan að Golden State Warriors, ríkjandi NBA-meistararnir, virðast ósigrandi lítur ekki út fyrir að Philadelphia 76ers vinni marga leiki þetta tímabilið.

Philadelphia tapaði í nótt fyrir Boston, 84-80, og hefur þar með tapað öllum sínum sextán leikjum á tímabilinu. Það sem meira er að þá hefur liðið tapað alls 23 leikjum í röð sem er metjöfnun í stóru atvinnumannadeildunum í Bandaríkjunum.

76ers deilir metinu með NFL-liðinu Tampa Bay Buccaneers sem tapaði 23 leikjum í röð frá 1976 til 1977. Philadelphia var reyndar áður búið að jafna metið en liðið gerði það tímabilið 2013-14.

Ekkert lið hefur byrjað tímabil verr en New Jersey Nets árið 2013. Þá tapaði liðið átján fyrstu leikjunum sínum. Tímabilið getur því enn versnað fyrir Philadelphia 76ers.

Isaiah Thomas skoraði 30 stig fyrir Boston í nótt en Jae Crowder tryggði Boston sigurinn með þriggja stiga körfu þegar lítið var eftir af leiknum. Jahil Okafor skoraði nítján stig fyrir Philadelphia.

Toronto vann Cleveland, 103-99, og sinn þriðja sigur í röð. LeBron James var með 24 stig, átta stoðsendingar og sex fráköst fyrir Cleveland sem hefur tapað þremur útileikjum í röð.

Oklahoma City vann New Jersey Nets, 110-99. Kevin Durant skoraði 30 stig fyrir fyrrnefnda liðið og Russell Westbrook 27 auk þess sem hann var með þrettán stoðsendingar.

Staðan í NBA-deildinni.

Úrslit næturinnar:

Charlotte - Washington 101-87

Orlando - New York 100-91

Boston - Philadelphia 84-80

Detroit - Miami 104-81

Toronto - Cleveland 103-99

Houston - Memphis 93-102

Milwaukee - Sacramento 118-129

Minnesota - Atlanta 99-95

Oklahoma City - Brooklyn 110-99

San Antonio - Dallas 88-83

Phoenix - New Orleans 114-120

LA Clippers - Utah 91-102

NBA



Fleiri fréttir

Sjá meira


×