Sport

Pacquiao: Conor á enga möguleika

Ingvi Þór Sæmundsson skrifar
Manny Pacquiao undirbýr sig nú fyrir bardaga gegn hinum ósigraða Jeff Horn á sunnudaginn.
Manny Pacquiao undirbýr sig nú fyrir bardaga gegn hinum ósigraða Jeff Horn á sunnudaginn. vísir/getty
Manny Pacquiao hefur engan áhuga á bardaga Conors McGregor og Floyds Mayweather og varar fólk við því að hann gæti orðið mjög leiðinlegur.

Mayweather sigraði Pacquiao í síðasta bardaga sínum á ferlinum árið 2015. Hann ákvað hins vegar að taka hanskana af hillunni til að berjast við Conor í Las Vegas 26. ágúst næstkomandi.

Pacquiao er lítt spenntur fyrir bardaganum og hefur litla trú á Conor í hringnum.

„McGregor á enga möguleika í þessum bardaga. Hann gæti orðið mjög leiðinlegur,“ sagði Pacquiao.

„Það er enginn möguleiki á að hann [Conor] nái almennilegu höggi á Floyd. Af hverju ætti hann að geta það? Hann hefur enga reynslu sem atvinnumaður í boxi.“

Pacquiao er sjálfur að undirbúa sig fyrir bardaga gegn hinum ósigraða Jeff Horn í Ástralíu á sunnudaginn.




Fleiri fréttir

Sjá meira


×