Enski boltinn

Óvíst hvort Rooney verði með gegn Arsenal

Ingvi Þór Sæmundsson skrifar
Rooney lék allan leikinn þegar England vann Skotland með þremur mörkum gegn engu á föstudaginn.
Rooney lék allan leikinn þegar England vann Skotland með þremur mörkum gegn engu á föstudaginn. vísir/getty
Wayne Rooney hefur dregið sig út úr enska landsliðshópnum vegna meiðsla.

Rooney verður því ekki með Englendingum í vináttulandsleiknum gegn Spánverjum á Wembley á morgun og óvíst er hvort hann geti spilað með Manchester United í stórleiknum gegn Arsenal á laugardaginn.

Rooney meiddist á hné og missti af æfingu í dag. Vinstri bakvörðurinn Ryan Bertrand gat heldur ekki verið með á æfingunni í dag vegna meiðsla.

Jordan Henderson mun bera fyrirliðabandið hjá Englandi gegn Spáni í fjarveru Rooneys.




Fleiri fréttir

Sjá meira


×