FÍSTUDAGUR 30. SEPTEMBER NŢJAST 20:16

Bein ˙tsending: Fyrsti ■ßttur Domino's K÷rfuboltakv÷lds

SPORT

Ëverjandi og ˇ■olandi a­ sitja undir tuddapˇlitÝk

 
Innlent
19:03 01. MARS 2016
SvandÝs Svavarsdˇttir, fyrrverandi umhverfisrß­herra.
SvandÝs Svavarsdˇttir, fyrrverandi umhverfisrß­herra. V═SIR/DAN═EL

Formaður atvinnuveganefndar kenndi fyrrverandi umhverfisráðherra og ríkisstjórn um það á Alþingi í dag að skortur væri á rafmagni og dreifikerfi raforku annaði ekki þörfum.

Fyrrverandi umhverfisráðherra segir óverjandi og óþolandi að formaður atvinnuveganefndar viðhafi tuddapólitík þegar orkuauðlindir landsins væru annars vegar. Formaðurinn kallar eftir breytingum á verklagi verkefnisstjórnar rammaáætlunar því þörf sé á fleiri virkjunum og uppbyggingu dreifikerfis raforku.

Þegar virkjanir og dreifikerfi raforku ber á góma á Alþingi er er yfirleitt mjög stutt í djúpstæðan ágreining um rammaáætlun. Umræða á Alþingi í dag var þar engin undantekning.

Jón Gunnarsson formaður atvinnuveganefndar rifjaði upp að fimm ár væru liðin frá því skrifað var undir sameiginlegt nefndarálit stjórnar og stjórnarandstöðu vegna laga um vernd og nýtingu virkjanakosta eða rammaáætlun. Þá hafi hann verið í minnihluta iðnaðarnefndar.

„Það er auðvitað sorglegra en tárum taki að málsmeðferð síðan á því kjörtímabili, hjá þáverandi hæstvirtum umhverfisráðherra auk samráðherra hennar hafi orðið til þess að rjúfa þá góðu sátt sem alþingismenn höfðu í þessari vinnu lagt sig fram um að ná saman um,“ sagði Jón og beindi spjótum sínum þar að Svandísi Svavarsdóttur.

Fimm árum síðar stæði þingið í sömu sporum og ekkert hefði þokast áfram um virkjanakosti. Mikilvægt væri að endurskoða verklag verkefnisstjórnar um rammaáætlun eins og Landsvirkjun hefði óskað eftir. Tafir á virkjunum og styrkingu dreifikerfisins hefðu þegar valdið tjóni.

„Það hefur komið fram á fundum hæstvirtrar atvinnuveganefndar undanfarið að það eru fjölmörg tækifæri þar sem sveitarfélög hafa þurft að láta fara frá sér verkefni. Vegna þess að dreifikerfi raforku og raforkuframleiðsla eru þannig að við getum ekki svarað þessu kalli,“ sagði Jón. Þar væri ekki verið að tala um neina stóriðju heldur mörg smærri verkefni.

Ragnheiður Elín Árnadóttir iðnaðarráðherra sagði von á lögbundinni skýrslu um raforkumál í lok vikunnar. Hún tók undir með Jóni að eftirspurn eftir raforku til ýmissa verkefna hefði vaxið á undanförnum misserum. Rammaáætlun og kerfisáætlun Landsnets um uppbyggingu flutningskerfisins væru mikilvægustu tækin í þessum efnum en menn hefðu borið af leið í rammaáætlun.

Svandís Svavarsdóttir fyrrverandi umhverfisráðherra minnti á að Jón hefði einn síns liðs lagt fram tillögu um fjölgun virkjanakosta á síðasta þingi sem hafi hleypt þingstörfum í uppnám.

„Það er óverjandi og það er óþolandi að viðhafa yfirgangs og tuddapólitík þegar orkuauðlindir landsins eru annars vegar. Og sem betur fer var sú viðleitni háttvirts þingmanns brotin á bak aftur,“ sagði Svandís Svavarsdóttir 


Deila
Athugi­. Allar athugasemdir eru ß ßbyrg­ ■eirra er ■Šr rita. VÝsir hvetur lesendur til a­ halda sig vi­ mßlefnalega umrŠ­u. Einnig ßskilur VÝsir sÚr rÚtt til a­ fjarlŠgja Šrumei­andi e­a ˇsŠmilegar athugasemdir og ummŠli ■eirra sem tjß sig ekki undir eigin nafni.

 

MEST LESIđ

  • Nřjast ß VÝsi
  • Mest Lesi­
  • FrÚttir
  • Sport
  • Vi­skipti
  • LÝfi­
ForsÝ­a / FrÚttir / Innlent / Ëverjandi og ˇ■olandi a­ sitja undir tuddapˇlitÝk
Fara efst