Óska eftir sérreglum vegna byggðakvóta

Sveitarstjórn Súðavíkurhrepps hefur farið þess á leit við sjávarútvegsráðuneytið að það samþykki tvær tillögur um sérreglur vegna úthlutunar byggðakvóta til fiskiskipa vegna sérstakra skilyrða. Fyrri tillagan hljóðar þannig að allt að 160 þorskígildistonnum verði úthlutað til fiskiskipa sem uppfylla það skilyrði að hafa leyfi til veiða í atvinnuskyni frístundaveiðileyfi við lok umsóknarfrests.

Hin tillagan hljóðar á að allt að 37 þorskígildistonnum verði skipt hlutfallslega milli þeirra fiskiskipa sem ekki uppfylla skilyrði fyrri tillögunnar. Þau skip verði undanþegin skiptingu aflamarks eftir lönduðum afla á síðasta fiskveiðiári. Að öðru leyti verði stuðst við reglugerð nr. 1182/2011 um úthlutun byggðakvóta til fiskiskipa á fiskveiðiárinu 2011/2012.

thelma@bb.is