MÁNUDAGUR 20. FEBRÚAR NÝJAST 10:15

Varhugavert ađ sjúkdómsgreina Trump

FRÉTTIR

Orr verđlaunađ fyrir góđa sölu til ferđamanna

 
Viđskipti innlent
08:30 17. FEBRÚAR 2017
Guđlaugur Ţór utanríkisráđherra afhenti skjöldinn.
Guđlaugur Ţór utanríkisráđherra afhenti skjöldinn. VÍSIR/EYŢÓR

Orr skartgripaverslun fékk í gær Njarðarskjöldinn og var valin ferðamannaverslun ársins 2016. Afhendingin fór fram í Hafnar­húsi Listasafns Reykjavíkur og var þetta í 21. skiptið sem verðlaunin eru veitt.

Í rökstuðningi dómnefndar fyrir valinu segir að verslunin hafi frá fyrstu tíð verið feikilega vinsæl á meðal erlendra ferðamanna. Enda sé hún einstök og efnisval og frágangur fyrsta flokks. „Orr skartgripaverslun er björt og stílhrein með góða lýsingu þannig að vörurnar njóta sín til fulls,“ segir enn fremur.

Alls voru ellefu verslanir tilnefndar í ár. Voru það Epal í Hörpu, Eymundsson í Austurstræti og á Laugavegi, Gilbert úrsmiður, Gjóska, GÞ skartgripir og úr, Handprjónasambandið, Islandia, Nordic Store, Upplifun og Orr.

Njarðarskjöldurinn er viðurkenning og hvatningarverðlaun sem árlega eru veitt verslunum eða verslunareigendum. Við tilnefningu er leitast við að verðlauna þá verslun sem hefur náð hvað bestum söluárangri til erlendra ferðamanna milli ára.

Í dómnefnd sátu fulltrúar frá Höfuð­borgarstofu, Miðborginni okkar, Félagi atvinnurekenda, Samtökum verslunar og þjónustu, Kaupmannasamtökum Íslands, Global Blue og Premier Tax Free. 

Fréttin birtist fyrst í Fréttablaðinu


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Viđskipti / Viđskipti innlent / Orr verđlaunađ fyrir góđa sölu til ferđamanna
Fara efst