Ólífukökur úr Eldhúsinu hans Eyþórs

Í síðasta þætti Elhússins hans Eyþór var aðaláherslan lögð á ólífur. Í þessu smákökum er bæði að finna ólífuolíu sem og ólífurnar sjálfar. Þær eru mjög skemmtilegar og alveg tilvaldar með ísköldu freyðivíni.

Ólífukökur

1 stk eggjarauða

130 gr ósaltað smjör, við stofuhita


2 gr sjávarsalt


70 gr flórsykur

50 ml jómfrúarólífuolía

30 gr kornmjöl eða kartöflumjöl


160 gr hveiti

50 gr svartar ólífur, fínt hakkaðar

Hitið ofninn í 170 gráður. Þeytið smjörið með saltinu og flórsykrinum þar til létt og ljóst. Dragið úr hraðanum á hrærivélinni og hellið olíunni varlega saman við. Bætið næst þurrefnunum út í og svo ólífunum í lokin.

Rúllið deiginu upp í þykka pylsu, pakkið inn í plastfilmu og látið stífna í ísskáp í ca. 1 klst. Skerið í ca. 1 cm þykkar sneiðar og raðið á bökunarplötu með bökunarpappír á. Bakið í 8-10 mín.

Sítrónu glassúr

1 sítróna (safi)

150-200 gr flórsykur

Sigtið flórsykurinn í skál. Hellið sítrónusafanum í aðra skál, bætið smám saman flórsykrinum út í hann og þykkið eftir smekk. Látið ólífukökurnar kólna og hjúpið þær með glassúrinu.