MÁNUDAGUR 29. ÁGÚST NÝJAST 23:32

Árslöng Mars-tilraun NASA komin ađ endalokum

FRÉTTIR

Ólafía Ţórunn: Fć samviskubit ef ég er ekki ađ ćfa mig

 
Golf
22:00 09. JANÚAR 2016
Anton Ingi Leifsson skrifar

Ólafía Þórunn Kristinsdóttir, atvinnukylfingur, var í viðtali í kvöldfréttum Stöðvar 2 í kvöld þar sem Hjörtur Hjartarson ræddi við hana um atvinnumennskuna og fleira. Ólafía segist tapsár og er spennt fyrir komandi árum í atvinnumennskunni.

„Þeir drógu mig út á völl. Fyrst fannst mér ekkert sérstaklega gaman í golfi þar sem þeir voru miklu betri en ég. Ég var bara: á hvaða holu erum við? Hvað eru margar holur eftir?" sagði Ólafía og hló þegar hún var aðspurð út í fyrstu kynni sín af golfi. Bræður hennar og faðir drógu hana út á völl.

Ólafía er annar kvenkyns atvinnukylfingurinn sem kemur frá Íslandi, en áður hafði Ólöf María Jónsdóttir reynt fyrir sér. Þetta krefst mikillar vinnu segir Ólafía.

„Ég fæ rosalegt samviskubit ef ég er ekki að æfa mig. Það gerðist ekki áður. Þegar maður er kominn með stimpilinn að þetta sé atvinna þín þá ertu bara: Ég verð að fara."

Ólafía bjó til mynd fyrir sig til að halda sér á tánum, en ákvað síðar að byrja að selja myndina í styrktarskyni. Það reyndist vel.

„Ég byrjaði að gera þetta fyrir sjálfan mig, en svo ákvað ég að prufa að selja þetta og leyfa almenningi að styrkja mig. Salan hefur gengið vonum framar."

Úlfar Jónsson, landsliðsþjálfari Íslands í golfi, er mjög hrifin af Ólafíu sem kylfingi og sparar ekki hrósið.

„Hún er mjög góður íþróttamaður. Hún er sterk, hávaxin og hefur mjög góða tækni. Hún slær langt og slær vel og það eru fáir veikleikar í hennar leik," sagði landsliðsþjálfarinn, en hversu langt getur hún náð?

„Það er mjög erfitt að segja. Við vitum ekki nákvæmlega hvernig samkeppnin er þarna, en miðað við árangurinn hjá henni á síðasta ári þá var hún að spila nokkrum sinnum meðal tíu og fimmtán efstu í mótaröðinni," sagði Úlfar.

Innslagið í heild sinni má sjá hér að ofan þar sem Hjörtur og Ólafía fara meðal annars í keppni.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Golf / Ólafía Ţórunn: Fć samviskubit ef ég er ekki ađ ćfa mig
Fara efst