Lífið

Októberspá Siggu Kling – Naut: Vertu svolítið montið

Sigga Kling skrifar
Elsku langflottasta Nautið mitt. Ekki reyna að vera fullkomið, það er svo drepleiðinlegt! Þú þarft að krydda tilveruna með húmor og kæruleysi, þá er ekki séns að þú sökkvir í áhyggjudrullupollinn.

Slepptu þeim hugsunum sem gera þig veikbyggðan. Þú ert svo skemmtilegur vinnuþjarkur og þegar þú einbeitir þér að vinnunni og hefur nóg að gera eins og virðist vera í kortunum fyrir októbermánuð þá er enginn eins fallegur og þú.

Ekki stoppa í eina mínútu þó að einhver sé með leiðindi eða að pikka í þig og pirra þig, segðu bara fyrirgefðu. Það þýðir ekki að þú hafir á röngu að standa, það þýðir að þú elskar manneskjur meira en egóið þitt.

Þú munt græða alveg óstjórnlega mikið á þessu múvi og ótrúlegasta fólk mun vilja vera með þér í liði. Klappaðu þér á bakið fyrir þetta.

Þú ert að byrja að stíga ný gæfuspor með haustinu og þú þarft að fara vel út fyrir þægindarammann þinn, ekki hafa neinar áhyggjur af því að gera neinar vitleysur, því vitleysurnar munu leiða þig á rétta braut. Lífið sér um það.

Þú munt leggja hjarta þitt og sál að veði fyrir vini þína og sá eldmóður á eftir að hafa svo mikil áhrif og vekja aðdáun annarra svo þú mátt bara vera svolítið montið. Mundu bara, hjartans Naut, að mont og stolt eru systur.

Mottó: Framtíðin er núna.

Frægir í Nautinu: Svali Kaldalóns fjölmiðlamógúll, Guðrún Veiga Guðmundsdóttir, rithöfundur og latikokkur, Ellý Ármanns fjölmiðlakona, Friðrik Þór Friðriksson leikstjóri, Valtýr Björn Valtýsson íþróttafréttamaður, Ólafur Ragnar Grímsson forseti, Álfheiður Ingadóttir þingkona, Halldór Laxness rithöfundur og skáld, Rúnar Freyr Gíslason leikari, Garðar Thor Cortes söngvari, Helga Möller söngkona, Katrín Tanja Davíðsdóttir crossfitmeistari, Nanna Bryndís Hilmarsdóttir söngkona. 




Tengdar fréttir

Októberspá Siggu Kling – Krabbi: Taktu fótinn af bremsunni

Elsku uppáhalds Krabbinn minn. Þú ert opnasta og jákvæðasta stjörnumerkið og þetta segi ég vegna þess það hefur komið í ljós að þið Krabbarnir lesið stjörnuspána mína mest, takk fyrir það, elsku tilfinninga Krabbarnir mínir.

Októberspá Siggu Kling – Vog: Sýndu traust

Elsku Vogin mín. Þú ert að fara inn á dásamlegt tímabil! Þú átt afmæli í þessum mánuði svo núna eru þín áramót og það sem gerist núna sýnir þér í hvaða átt þú ert að fara næstu mánuði.






Fleiri fréttir

Sjá meira


×