Fótbolti

Óbreytt byrjunarlið Íslands | Aron Einar með

Eiríkur Stefán Ásgeirsson skrifar
Aron Einar Gunnarsson.
Aron Einar Gunnarsson. Vísir/EPA
Engar breytingar eru á byrjunarliði Íslands fyrir leikinn gegn Austurríki í kvöld. Sömu ellefu leikmenn byrja leikinn og byrjuðu í hinum leikjum Íslands í keppninni.

Það þýðir að fyrirliðinn Aron Einar Gunnarsson er á sínum stað á miðju íslenska liðsins en hann hefur verið að glíma við meiðsli í keppninni. Hann var tæpur í nára fyrir fyrsta leik og fékk svo högg í leiknum gegn Ungverjalandi.

Leikurinn fer fram á Stade de France í París og er síðasti leikur liðanna í F-riðli. Íslandi nægir jafntefli til að komast áfram í 16-liða úrslit keppninnar en Austurríki verður að vinna leikinn.

Bein textalýsing Vísis frá leiknum er þegar hafin.

Byrjunarlið Íslands:

Markvörður: Hannes Þór Halldórsson

Hægri bakvörður: Birkir Már Sævarsson

Miðverðir: Ragnar Sigurðsson og Kári Árnason

Vinstri bakvörður: Ari Freyr Skúlason

Hægri kantmaður: Jóhann Berg Guðmundsson

Miðjumenn: Aron Einar Gunnarsson og Gylfi Þór Sigurðsson

Vinstri kantmaður: Birkir Bjarnason

Sóknarmenn: Jón Daði Böðvarsson og Kolbeinn Sigþórsson

Byrjunarlið Íslands í dag,Vísir/Vilhelm

Tengdar fréttir




Fleiri fréttir

Sjá meira


×