Obama hyggst aflétta vopnasölubanni til Víetnam

Barack Obama Bandaríkjaforseti hefur lýst því yfir að vopnasölubanni til Víetnam verði að fullu aflétt innan tíðar.

Þetta teljast mikil tíðindi því Bandaríkjamenn og Víetnamar börðust á banaspjót á seinni hluta síðustu aldar og endaði stríðið með ósigri Bandaríkjamanna.

Síðan þá hafa samskiptin verið lítil en Obama er nú í heimsókn í landinu og gaf hann yfirlýsinguna í ræðu sem hann hélt eftir að hafa fundað með helstu leiðtogum kommúnistastjórnarinnar í landinu.