Obama beinir athyglinni að efnahagsmálum

Barack Obama forsetaframbjóðandi Demókrata hefur beint athyglinni frá utanríkismálum að efnahagsmálum í Bandaríkjunum. Hefur hann kallað saman stjörnuráðgjafa til þess að ræða við hann. Er tilgangurinn að reyna að vinna bætur á þeirri lægð sem er í efnahagslífi í Bandaríkjunum.

Obama hefur verið á vikulöngu ferðalagi um heiminn til þess að styrkja samband sitt við hina ýmsu þjóðarleiðtoga og kynna áhersluatriði sín í utanríkismálum.

Kannanir hafa sýnt að efnahagsmál eru þau mál sem kjósendur í Bandaríkjunum eru hvað mest uggandi yfir og munu koma til með að ráða úrslitaáhrifum í forsetakosningunum í nóvember.

Obama vill meðal annars lækka skatta hjá miðstéttarfólki og finna úrlausnir til þess að styðja við húsnæðismarkaðinn. Hann sagði á blaðamannafundi í gær samkvæmt fréttastofu Reuters að honum klæjaði í fingurna að fara að einbeita sér að efnahagsmálum. Hann vill einbeita sér að þeim áhrifum efnahagskreppunnar sem hefðu tafarlaust áhrif enda skipti þau áhrif fólkið í landinu mestu máli.

John McCain frambjóðandi Repúblikanaflokksins hefur gagnrýnt Obama fyrir að lofa að afnema þá skattalækkun sem George Bush Bandaríkjaforseti setti á fyrir þá sem hafa meira en 250 þúsund dolla í árstekur. McCain hefur einnig gagnrýnt Obama fyrir að að vera á móti tillögu sinni að létta banni við olíuleit við strendur landsins.

Kannanir hafa sýnt að meirihluti kjósenda styður frekar efnahagsstefnu Obama og Demókrata frekar en stefnu McCain.