Óákveðið hvort dómi Annþórs og Barkar verði áfrýjað

Kolbeinn Tumi Daðason skrifar 7. apríl 2016 16:13

Börkur Birgisson og Annþór Kristján Karlsson. Vísir

Ríkissaksóknari hefur ekki tekið ákvörðun um hvort dómi í máli embættisins gegn Annþóri Kristjáni Karlssyni og Berki Birgissyni verði áfrýjað. Þeir voru í Héraðsdómi Suðurlands sýknaðir af ákæru um stórfellda líkamsárás sem leiddi til dauða samfanga þeirra á Litla-Hrauni árið 2013.

Annþór og Börkur voru sýknaðir á þeim forsendum að ekki væri hafið yfir skynsamlegan vafa að þeir hefðu orðið valdir að dauða samfanga þeirra, Sigurðar Hólm Sigurðssonar. Málsmeðferð tók um þrjú ár í héraði en dómur var kveðinn upp 23. mars síðastliðinn eða fyrir rétt rúmum tveimur vikum.

Helgi Magnús Gunnarsson vararíkissaksóknari segir í samtali við Vísi að ákvörðunin liggi ekki fyrir en það styttist í hana. Áfrýja þarf dómum úr héraði til Hæstaréttar innan fjögurra vikna. Farið hafði verið fram á tólf ára fangelsi yfir Annþóri og Berki og sögðust verjendur þeirra við dómsuppkvaðninguna eiga von á því að ríkissaksóknari myndi áfrýja dómnum.

Mál Annþórs og Barkar

Tengdar fréttir

Dóttir Annþórs í skýjunum: „Pabbi minn er enginn morðingi“

Sara Lind Annþórsdóttir segist alltaf hafa verið sannfærð um sakleysi föður síns.

23. mars 2016 20:15

Annþór og Börkur mæta örlögum sínum á Selfossi

Dómur verður kveðinn upp klukkan 15.

23. mars 2016 10:22

Annþór og Börkur sýknaðir

Voru sakaðir um líkamsárás sem olli dauða Sigurðar Hólm Sigurðssonar.

23. mars 2016 15:00

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.