Tónlist

Nýtt lag í myndtónaröð Grúsku Babúsku: Fjallar um muninn á kynjunum

Stefán Árni Pálsson skrifar
Stórgott myndband.
Stórgott myndband.
Raddataktur er nýtt lag í myndtónaröð Grúsku Babúsku og er það frumsýnt hér á Vísi.

Lagið er fimmta og jafnframt síðasta verkið í röðinni, þar sem myndbandsverkið er unnið af Þórunni Ylfu Brynjólfsdóttir. Öll hin myndböndin hafa einnig verið leikstýrð af konum og hafa öll komið hér út á Vísi.

Raddataktur er tónverk byggt upp með mismunandi röddum allra meðlima hljómsveitarinnar, sem saman mynda ákveðinn takt út lagið og byggja upp spennu. Textinn fjallar um muninn á kynjunum og varpar upp fremur kaldhæðinni birtingarmynd á því þegar konur virðast taka hlutina of mikið inn á sig, á meðan karlar láta sem það fái ekkert á þá og virka jafnvel skeytingalausir um tilfinningaflæði kvenna, og það ójafnvægi sem þá getur skapast.

Í kvöld kemur Grúska Babúska fram á svo kölluðum pre-off venue tónleikum Dillon og fagnar útgáfunni, en einnig mun hljómsveitin stíga á stokk á Airwaves tónlistarhátíðinni í Iðnó á laugardagskvöldinu.

Meðlimir Grúsku Babúsku eru þær Arndís Anna Gunnarsdóttir, Björk Viggósdóttir, Dísa Hreiðarsdóttir, Guðrún Birna le Sage de Fontenay, Harpa Fönn Sigurjónsdóttir og Íris Hrund Þórarinsdóttir.

Hljómsveitin var stofnuð árið 2012 og gaf út sína fyrstu plötu árið 2013 í formi USB-lykils með útlit babúsku. Í ár stóð hljómsveitin svo fyrir útgáfu svokallaðrar myndtónaraðar.


Tengdar fréttir






Fleiri fréttir

Sjá meira


×