Nýtt lag frá Rökkurró lítur dagsins ljós 30. júlí 2014 14:30 Hljómsveitin Rökurró. Hljómsveitin Rökkurró sendi frá sér smáskífu, The Backbone, sem frumflutt var á tónlistarvefnum The Line of Best Fit í dag. Í október síðastliðnum gaf Rökkurró frá sér lagið Killing Time, sem var forsmekkur af því sem vænta má af nýrri plötu sveitarinnar sem er væntanleg seinna á árinu. Eiga bæði lögin það sameiginlegt að vera sungin á ensku sem þykir nokkuð óvanalegt fyrir Rökkurró þar sem á fyrstu tveimur plötum sveitarinnar voru allir textar á íslensku. Hildur Kristín Stefánsdóttir, söngkona hljómsveitarinnar, segir það að skipta yfir á ensku hafi í raun og veru verið tilraun til þess að gera eitthvað öðruvísi: „Fyrir tveimur árum þegar ég bjó í Japan talaði ég einungis ensku og japönsku. Ég var sjálf að semja tónlist á meðan ég bjó úti og fannst eðlilegt að það sem ég gerði þar syngi ég á ensku. Svo í raun veru framlengdist þetta bara yfir í Rökkurró, mér fannst þetta áhugaverður vinkill þar sem fleira fólk skyldi textann. Það er hinsvegar erfitt að segja alveg skilið við íslenskuna svo að tvö lög á nýju plötunni fengu að vera á íslensku." Um upptökur sá Helgi Hrafn Jónsson en Rökkurró hefur unnið nánast sleitulaust að plötunni með Helga síðan í október 2013. „Við þekktum Helga svolítið áður en við byrjuðum að taka upp með honum og fíluðum það sem hann hafði verið að gera með sóló verkefnið sitt og það sem hann hefur tekið upp með konunni sinni Tinu Dico. Hann hafði eins hlustað á eldra efnið okkar og líkað vel. Við fundum fljótt að við höfðum sömu sýn á þetta verkefni og ákváðum strax að nokkrar grundvallarbreytingar á stefnu hljómsveitarinnar væri þörf. Við ákváðum strax að hafa ekkert selló á plötunni, sem hefur einkennt svolítið hljóminn okkar en ég hef spilað á það samhliða því að syngja. Sömuleiðis vissum við að við vildum bæta ýmsum rafmiðuðum þáttum við tónlistina, t.d. hlóðgervlum og öðru slíku – sem heyrist einmitt vel í nýja laginu.“ Textinn í The Backbone hefur sterka tengingu við Reykjavík, en hljómsveitin er stofnuð og starfar þar. Hildur segir textann fjalla um uppeldishverfi hennar og hvernig sýn hennar á hverfið hefur breyst eftir því sem hún varð eldri. „Umhverfið hefur breyst ótrúlega mikið á undanförnum árum og ekki bara í mínu hverfi heldur í allri Reykjavík. Þegar maður var yngri horfði maður e.t.v. á líf sitt og umhverfi í meira sakleysi en svo þegar maður eldist sér maður hlutina í nýju ljósi. Oft langar mann bara frekar að halda í gömlu útgáfuna. Þar er ákveðin fegurð sem oft vill tapast þegar maður fer að sjá hlutina eins og þeir raunverulega eru.“ Samhliða því að gefa smáskífuna út rafrænt verða einnig til sölu heimagerð eintök í afar takmörku upplagi en þau voru búin til af hljómsveitinni sjálfri. Á smáskífunni er að sjálfsögðu að finna nýja lagið, The Backbone, en einnig fylgir þar fyrri smáskífan Killing Time auk tveggja remixa. „Við höfum alltaf verið svolítið do-it-youself band og langaði að komast aftur í þann gír. Ég hugsa að við höfum föndrað meira en margar aðrar hljómsveitir; alltaf gert sérstaka diska til þess að taka með okkur á tónleikaferðalög, saumað töskur o.s.frv. Fyrsta stuttskífan okkar var handgerð og hún landaði okkur samningi við 12 Tóna, svo okkur þykir alltaf vænt um þessi litlu verkefni okkar. Í þetta skiptið var það trommarinnar okkar, Bibbi, sem málaði risastór málverk á pappa sem hann klippti síðan niður og límdi saman. Því er ekkert af þessum 150 eintökum eins og einnig eru þau öll árituð af meðlimum sveitarinnar." The Backbone kemur formlega út þann 11. ágúst en hægt er að forpanta á iTunes. Tónlist Mest lesið Ekki lengur smeykur við að deila kastljósinu með Katrínu Lífið Jón Jónsson selur glæsihús á Seltjarnarnesi Lífið Suzuki mun flytja inn í höll Björgólfs Lífið Vöknuðu fyrir allar aldir til að gera aðra atlögu Lífið Heimafæðing Örnu Ýrar: „Ekki eins hræðilegt og margir halda“ Lífið Seldi upp á útgáfutónleika án útgáfu Tónlist Björgólfur og Skúli í stuði í Feneyjum Lífið Flugfreyjuhattar Icelandair frá tískurisanum Balenciaga fá nýtt líf Lífið Stefnir Megan Thee Stallion fyrir meint áreiti á vinnustað Lífið Frumsýning á Vísi: Segja þjóðinni loksins frá harðræðinu á vistheimilunum Bíó og sjónvarp Fleiri fréttir Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Sjá meira
Hljómsveitin Rökkurró sendi frá sér smáskífu, The Backbone, sem frumflutt var á tónlistarvefnum The Line of Best Fit í dag. Í október síðastliðnum gaf Rökkurró frá sér lagið Killing Time, sem var forsmekkur af því sem vænta má af nýrri plötu sveitarinnar sem er væntanleg seinna á árinu. Eiga bæði lögin það sameiginlegt að vera sungin á ensku sem þykir nokkuð óvanalegt fyrir Rökkurró þar sem á fyrstu tveimur plötum sveitarinnar voru allir textar á íslensku. Hildur Kristín Stefánsdóttir, söngkona hljómsveitarinnar, segir það að skipta yfir á ensku hafi í raun og veru verið tilraun til þess að gera eitthvað öðruvísi: „Fyrir tveimur árum þegar ég bjó í Japan talaði ég einungis ensku og japönsku. Ég var sjálf að semja tónlist á meðan ég bjó úti og fannst eðlilegt að það sem ég gerði þar syngi ég á ensku. Svo í raun veru framlengdist þetta bara yfir í Rökkurró, mér fannst þetta áhugaverður vinkill þar sem fleira fólk skyldi textann. Það er hinsvegar erfitt að segja alveg skilið við íslenskuna svo að tvö lög á nýju plötunni fengu að vera á íslensku." Um upptökur sá Helgi Hrafn Jónsson en Rökkurró hefur unnið nánast sleitulaust að plötunni með Helga síðan í október 2013. „Við þekktum Helga svolítið áður en við byrjuðum að taka upp með honum og fíluðum það sem hann hafði verið að gera með sóló verkefnið sitt og það sem hann hefur tekið upp með konunni sinni Tinu Dico. Hann hafði eins hlustað á eldra efnið okkar og líkað vel. Við fundum fljótt að við höfðum sömu sýn á þetta verkefni og ákváðum strax að nokkrar grundvallarbreytingar á stefnu hljómsveitarinnar væri þörf. Við ákváðum strax að hafa ekkert selló á plötunni, sem hefur einkennt svolítið hljóminn okkar en ég hef spilað á það samhliða því að syngja. Sömuleiðis vissum við að við vildum bæta ýmsum rafmiðuðum þáttum við tónlistina, t.d. hlóðgervlum og öðru slíku – sem heyrist einmitt vel í nýja laginu.“ Textinn í The Backbone hefur sterka tengingu við Reykjavík, en hljómsveitin er stofnuð og starfar þar. Hildur segir textann fjalla um uppeldishverfi hennar og hvernig sýn hennar á hverfið hefur breyst eftir því sem hún varð eldri. „Umhverfið hefur breyst ótrúlega mikið á undanförnum árum og ekki bara í mínu hverfi heldur í allri Reykjavík. Þegar maður var yngri horfði maður e.t.v. á líf sitt og umhverfi í meira sakleysi en svo þegar maður eldist sér maður hlutina í nýju ljósi. Oft langar mann bara frekar að halda í gömlu útgáfuna. Þar er ákveðin fegurð sem oft vill tapast þegar maður fer að sjá hlutina eins og þeir raunverulega eru.“ Samhliða því að gefa smáskífuna út rafrænt verða einnig til sölu heimagerð eintök í afar takmörku upplagi en þau voru búin til af hljómsveitinni sjálfri. Á smáskífunni er að sjálfsögðu að finna nýja lagið, The Backbone, en einnig fylgir þar fyrri smáskífan Killing Time auk tveggja remixa. „Við höfum alltaf verið svolítið do-it-youself band og langaði að komast aftur í þann gír. Ég hugsa að við höfum föndrað meira en margar aðrar hljómsveitir; alltaf gert sérstaka diska til þess að taka með okkur á tónleikaferðalög, saumað töskur o.s.frv. Fyrsta stuttskífan okkar var handgerð og hún landaði okkur samningi við 12 Tóna, svo okkur þykir alltaf vænt um þessi litlu verkefni okkar. Í þetta skiptið var það trommarinnar okkar, Bibbi, sem málaði risastór málverk á pappa sem hann klippti síðan niður og límdi saman. Því er ekkert af þessum 150 eintökum eins og einnig eru þau öll árituð af meðlimum sveitarinnar." The Backbone kemur formlega út þann 11. ágúst en hægt er að forpanta á iTunes.
Tónlist Mest lesið Ekki lengur smeykur við að deila kastljósinu með Katrínu Lífið Jón Jónsson selur glæsihús á Seltjarnarnesi Lífið Suzuki mun flytja inn í höll Björgólfs Lífið Vöknuðu fyrir allar aldir til að gera aðra atlögu Lífið Heimafæðing Örnu Ýrar: „Ekki eins hræðilegt og margir halda“ Lífið Seldi upp á útgáfutónleika án útgáfu Tónlist Björgólfur og Skúli í stuði í Feneyjum Lífið Flugfreyjuhattar Icelandair frá tískurisanum Balenciaga fá nýtt líf Lífið Stefnir Megan Thee Stallion fyrir meint áreiti á vinnustað Lífið Frumsýning á Vísi: Segja þjóðinni loksins frá harðræðinu á vistheimilunum Bíó og sjónvarp Fleiri fréttir Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Sjá meira