LAUGARDAGUR 25. FEBRÚAR NÝJAST 07:38

Handtekinn eftir hópslagsmál í Breiđholti

FRÉTTIR

Nýársspá Siggu Kling – Steingeitin: Ţú ert búin ađ finna fyrir leiđa eđa jafnvel ţreytu

 
Lífiđ
09:00 06. JANÚAR 2017
Nýársspá Siggu Kling – Steingeitin: Ţú ert búin ađ finna fyrir leiđa eđa jafnvel ţreytu

Elsku hjartans Steingeitin mín. Þetta ár sem er að fæðast hjá þér verður sko aldeilis spennandi og engin lognmolla mun fylgja því. Það er alveg rosalega mikilvægt að þú standir með sjálfri þér í öllu sem þú gerir.

Það eina sem gæti neglt þig niður fyrstu 2 til 3 mánuði ársins er að þú rífir þig niður. Svo í hvert skipti sem þú ert með einhver leiðindi og skammir við sjálfa þig segðu þá: Nei! Ég ætla að standa með mér því það er lágmark að ég sé besti vinur minn. Þegar þú sérð þetta, er þetta það eina sem þú þarft að hafa að vopni til að ná þeim áfanga sem þér ber. Þú hefur þann hæfileika að vera þrautseigari en flest stjörnumerkin og það er það sem er nauðsynlegt til velgengni.

Það er líka í kortunum að þú ert búin að finna fyrir leiða eða jafnvel þreytu í sambandi við vinnu eða verkefni. Það væri betra að endurskipuleggja það sem þú varst þegar búin að ákveða að gera í ár og taka því með meiri gleði, fremur en að snúa við blaðinu og veðja á eitthvað glænýtt. Febrúar verður dásamlegur hjá þér og þú flækir þér í mikið álag í apríl og uppskerð svo dásamlega hluti í maí en sumarið sem er að koma verður besta sumar sem þú hefur átt í mörg ár.

Það gengur allt svo miklu betur upp og ástin verður spennandi og þú sérlega til í tuskið fyrir ný ævintýri tengd ást og vináttu. Það er svo sannarlega hægt að segja að þetta sé ár ástarinnar fyrir þig. Erfið sambönd og ósönn vinátta geta sprungið hreinlega út af ástinni. Þetta ár verður tími hreinsunar og hið góða mun eflast og það skemmda mun týnast. Þér er ætlað að ná svo langt á þeirri braut sem þú kýst þér.

Þú átt ekki eftir að taka velgengni sem sjálfsögðum hlut og það koma þeir tímar sem þér finnst eins og ekkert hafi gengið en þegar þú lítur í kringum þig núna í upphafi ársins 2017, þá ertu á miklu betri stað heldur en fyrir 3 árum svo þakkaðu fyrir það, elskan mín, og fagnaðu líka og talaðu þig upp úr þeim áhyggjum sem sækja á þig. Talaðu sjálfa þig til! Þú verður eins og eldspúandi Katla þegar hausta tekur og sá kraftur fylgir þér út árið. Margir gætu orðið hissa á breytingunum á þér en mikið er það nú skemmtilegt.

Knús og klapp, Sigga Kling

Frægar Steingeitur: Guðjón Pétur Lýðsson markakóngur, Svava Johansen í Sautján, Ingibjörg Sólrún Gísladóttir, dr. Kristín Ólafsdóttir og Davíð Oddsson, Jón Gnarr, Elvis Presley, Gunnar Þórðarson, Tómas Guðbjartsson læknahetja, Lovísa Tómas, Dorrit Moussaieff forsetafrú, Þuríður Blær Jóhannsdóttir, leikkona og Reykjavíkurdóttir, Jesús og Simmi á Fabrikkunni, Óttar Proppé.  



Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ

TAROT DAGSINS

Dragđu spil og sjáđu hvađa spádóm ţađ geymir.
Forsíđa / Lífiđ / Lífiđ / Nýársspá Siggu Kling – Steingeitin: Ţú ert búin ađ finna fyrir leiđa eđa jafnvel ţreytu
Fara efst