Bíó og sjónvarp

Ný stikla úr Harry Potter heiminum: „Af hverju er Dumbledore svona vel við þig?“

Tryggvi Páll Tryggvason skrifar
Newt Scamander eða Eddie Redmayne.
Newt Scamander eða Eddie Redmayne. Mynd/skjáskot
Út er komin ný stikla úr myndinni Fantastic Beasts and Where to Find Them, mynd sem gerist í hinum töfrandi heimi Harry Potter sem rithöfundurinn J.K. Rowling skapaði.

Myndin er svokallað spin-off og gerist á þriðja áratug tuttugustu aldar, um 70 árum áður en sagan af Harry Potter hefst. Stiklan er um tvær mínútur að lengd og í henni má sjá Eddie Redmayne sem leikur Newt Scamander, söguhetju myndarinnar, reyna að komast í gegnum innflytjendaeftirlitið á Ellis-eyju, rétt fyrir utan New York.

Í stiklunni kemur fram að Scamander hafi verið rekinn úr Hogwarts-skóla en undir heyrist rödd sem spyr „Af hverju er Dumbledore svona vel við þig?“

Myndin verður frumsýnd þann 18. nóvember og er fyrsta myndin í væntanlegum þríleik. J.K. Rowling sjálf skrifar handritið af myndunum.


Tengdar fréttir

Redmayne fékk aðalhlutverkið

Óskarsverðlaunahafinn Eddie Redmayne hefur landað aðalhlutverkinu í þríleiknum Fantastic Beasts and Where to Find Them sem verða myndir sem gerast í söguheimi Harry Potter.






Fleiri fréttir

Sjá meira


×