Fótbolti

Norður-Írar ætla að stríða Þjóðverjum

Henry Birgir Gunnarsson skrifar
Hinn lítt reyndi Michael O'Neill er að gera flotta hluti með Norður-Íra.
Hinn lítt reyndi Michael O'Neill er að gera flotta hluti með Norður-Íra. vísir/getty
Norður-Írland mætir Þýskalandi á EM í dag og jafntefli mun tryggja Norður-Írum farseðilinn í 16-liða úrslit keppninnar.

Þó svo Norður-Írar tapi eiga þeir enn möguleika á að komast áfram enda með þrjú stig eftir sigurinn á Úkraínu.

„Þetta er sérstök stund fyrir Norður-Írland. Ekkert lið er fullkomið og það er okkar að nýta okkur veikleikana í þýska liðinu,“ sagði Michael O'Neill, landsliðsþjálfari Norður-Írlands.

„Er við tryggðum okkur inn á mótið í október og mér hefði verið boðinn úrslitaleikur gegn Þýskalandi um að vinna riðilinn þá hefði ég glaður þegið það. Við munum gera allt sem við getum.“

Leikurinn hefst klukkan 16.00 og verður í beinni textalýsingu á Vísi.




Fleiri fréttir

Sjá meira


×