Golf

Nicklaus: Tiger getur enn bætt metið mitt

Henry Birgir Gunnarsson skrifar
Það bíða margir spenntir eftir því að sjá Tiger á morgun.
Það bíða margir spenntir eftir því að sjá Tiger á morgun. vísir/getty
Á morgun mun Tiger Woods loksins taka þátt í golfmóti á nýjan leik.

Þá verða liðnir sextán mánuðir frá því hann keppti síðast. Um tíma leit út fyrir að Tiger myndi ekki keppa í golfi á nýjan leik enda meiðslin sem hann var að glíma við afar erfið.

Hinn fertugi Tiger hefur unnið 14 risamót á ferlinum en Jack Nicklaus á metið sem er 18. Þó svo Tiger hafi ekki unnið risamót síðan árið 2008 hefur Nicklaus enn trú á því að Tiger geti náð honum.

„Ég hef alltaf verið á því að hann geti verið samkeppnishæfur í tíu ár í viðbót. Hann hefur hæfileikana og ef hann heldur heilsu er allt hægt,“ sagði Nicklaus.

Nicklaus segir að líklega hafi Tiger verið tilbúinn aðeins fyrr en hann hafi þurft að vinna í andlega þættinum.

Mótið hefst klukkan 18.00 á morgun og er í beinni á Golfstöðinni.




Fleiri fréttir

Sjá meira


×