LAUGARDAGUR 3. DESEMBER NÝJAST 21:45

Körfuboltakvöld: Stjarnan vinnur enga titla með Austin innanborðs

SPORT

Neymar verður bráðum kennt um dauða Kennedy

 
Fótbolti
18:15 18. JANÚAR 2016
Neymar.
Neymar. VÍSIR/GETTY

Carles Villarubi, varaforseti spænska fótboltaliðsins Barcelona, segir áframhaldandi lögsóknir gegn Neymari, einni af stjörnum liðsins, ósanngjarnar.

Neymar var á dögunum skipað að mæta í dómsal í febrúar þar sem félagaskiptamál hans verður tekið fyrir enn á ný.

Maðkur er talinn hafa verið í mysunni þegar Barcelona keypti Neymar frá Santos í Brasilíu, en það mál virðist ætla að lifa nokkuð lengi.

Villarubi er orðinn mjög þreyttur á „vélinni“, eins og hann orðar það, sem virðist finna allt á móti Neymari og stundar áróður gegn honum.

„Á hverjum degi spilar Neymar betur og fólk dáist að frammistöðu hans. Þetta verður bara flóknara,“ segir Vllarubi í viðtali við RAC-1.

„Það er vél sem vinnur á móti honum og ég er viss um að hún mun segja bráðum að Neymar var í Dallas þegar Kennedy var ráðinn af dögum,“ segir Carles Villarubi.

Neymar hefur farið á kostum með Barcelona á tímabilinu. Hann er búinn að skora 16 mörk og gefa tólf stoðsendingar í deildinni og bæta við tveimur mörkum og þremur stoðsendingum í Meistaradeildinni.


Deila
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

 

MEST LESIÐ

  • Nýjast á Vísi
  • Mest Lesið
  • Fréttir
  • Sport
  • Viðskipti
  • Lífið
Forsíða / Sport / Fótbolti / Neymar verður bráðum kennt um dauða Kennedy
Fara efst