ŢRIĐJUDAGUR 27. SEPTEMBER NÝJAST 02:44

Sjáđu fyrstu kapprćđur Trump og Clinton í heild sinni

FRÉTTIR

Neyđarstigi lýst yfir fyrir norđan - 12 ţúsund kindur fastar upp á fjöllum

 
Innlent
21:30 11. SEPTEMBER 2012
Neyđarstigi lýst yfir fyrir norđan - 12 ţúsund kindur fastar upp á fjöllum

Almannavarnadeild ríkislögreglustjóra lýsti í kvöld yfir neyðarstigi í Þingeyjarsýslum vegna óveðursins sem gekk yfir landið í gær. Talið er að 10 til 12 þúsund kindur séu fastar upp á fjöllum vegna fannfergis. Hættustigin hjá Almannavarnardeild eru þrjú, það er að segja óvissu-, hættu- og neyðarstig.

Nánar má lesa um þau hér.

Rögnvaldur Ólafsson, verkefnastjóri hjá Almannavarnadeild, segir að stórhluti af Þingeyjarsýslu sé enn rafmagnslaus. Nú séu Landsnet og RARIK, sem eiga spennuvirkjanirnar, að vinna í því að koma þeim í lag, ásamt starfsmönnum annarra orkufyrirtækja. Talið er að hátt í 60 rafmagnsstaurar séu ónýtir. „Ég veit ekki nákvæmlega tímarammann sem þeir eru að vinna eftir, en það gætu verið einn til tveir daga þar til þetta kemst í lag."

En það er ekki rafmagnsleysið sem Almannavarnadeild er endilega að horfa á. Heldur eru það kindurnar sem eru fastar upp á fjöllum sem eru á bilinu 10 til 12 þúsund.

„Þegar neyðarstigi hefur verið lýst yfir er auðveldara að kalla til björgunarsveitarmanna frá svæðunum í kring. Núna snýst þetta um að komast upp á fjöll til að koma kindunum í hús. Menn eru búnir að vera vinna í því á fullu í allan dag að finna kindur. Sumar hafa drepist náttúrulega, en megnið af þeim sem eru á lífi eru það hraktar að það þarf að keyra þeim niður. Við þurfum að koma upp þotum, sem hægt er að festa í vélsleða eða bíla, og snjóbílum."

Lögreglustjórinn á Húsavík er nú að funda með sínu fólki í umdæminu og skipuleggja aðgerðir sem hefjast strax í fyrramálið.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Neyđarstigi lýst yfir fyrir norđan - 12 ţúsund kindur fastar upp á fjöllum
Fara efst