Körfubolti

NBA í nótt: Butler bætti 27 ára gamalt met Michael Jordan | Myndbönd

Tómas Þór Þórðarson skrifar
Jimmy Butler sækir að körfu Atlanta einu sinni sem oftar í nótt.
Jimmy Butler sækir að körfu Atlanta einu sinni sem oftar í nótt. vísir/getty
Jimmy Butler, leikmaður Chicago Bulls, stal senunni í NBA-körfuboltanum í nótt þegar hann tók sig til og skoraði 42 stig í naumum útisigri Chicago gegn Atlanta, 115-113.

Butler skoraði 40 af 42 stigum í seinni hálfleiknum og bætti þar með met Michael Jordan yfir flest stig skoruð í einum hálfleik hjá Bulls.

Jordan skoraði 39 stig í seinni hálfleik gegn Milwaukee Bucks árið 1989 og hafði metið því staðið í 27 ár þar til Butler sló það í nótt.

„Ekki bera mig saman við hann. Ég vil ekki vera borinn saman við Jordan. Ég reyni, en ég er ekki nálægt því að vera jafn góður leikmaður,“ sagði Butler eftir leikinn í nótt.

Það þarf vart að taka fram að Butler var stigahæstur í Chicago-liðinu en Pau Gasol skilaði einnig góðri vakt og skoraði 19 stig og tók 13 fráköst.

DeMar DeRozan (24 stig), Kyle Lowry (22 stig, 10 stoðsendingar) og Luis Scola (22 stig, 5 fráköst) áttu allir góðan dag í liði Atlanta en það dugði ekki til gegn sjóðheitum Jimmy Butler að þessu sinni.

Hér að neðan má sjá hluta af frammistöðu Butler í nótt og einnig myndband af Michael Jordan raða stigum á Bucks árið 1989.

Úrslit næturinnar:

New York Knicks - Atlanta Hawks 111-97

Toronto Raptors - Chicago Bulls 113-115

Washington Wizards - Miami Heat 75-97

Denver Nuggets - Portland Trail Blazers 106-112

Los Angeles Lakers - Phoenix Suns 97-77

Butler setur 40 á Atlanta í einum hálfleik: Jordan setur 49 á Milwaukee 1989 í einum hálfleik:
NBA



Fleiri fréttir

Sjá meira


×