Fótbolti

Napoli eltir Juventus eins og skugginn

Anton Ingi Leifsson skrifar
Higuain fagnar öðru marki sínu í kvöld.
Higuain fagnar öðru marki sínu í kvöld. vísir/getty
Napoli heldur áfram að elta Juventus eins og skugginn á toppi ítölsku úrvalsdeildarinnar, en Napoli vann 3-1 sigur á Genoa í dag.

Heimamenn í Napoli lentu undir þegar Tomas Rincon kom Genoa yfir á tíundu mínútu og þannig stóðu leikar þangað til á 51. mínútu.

Gonzalo Higuain jafnaði þá metin og þrjátíu mínútum síðar kom hann Napoli í 2-1. Í uppbótartíma innsiglaði Omar El Kaddouri sigurinn með marki og lokatölur 3-1.

Napoli er því þremur stigum á eftir Juventus, þegar átta umferðir eru óleiknar á Ítalíu, en Genoa er í tólfta sætinu.

AC Milan og Lazio skildu svo jöfn í kvöld. Marco Parolo kom Lazio yfir á níundu mínútu, en Carlos Bacca jafnaði sex mínútum síðar og lokatölur 1-1.

AC Milan er í sjötta sætinu með 49 stig, en Lazio er í áttunda sætinu með 42 stig.


Tengdar fréttir




Fleiri fréttir

Sjá meira


×