Fótbolti

Napoli aftur á toppinn

Eiríkur STefán Ásgeirsson skrifar
Gonzalo Higuain var hetja Napoli sem tyllti sér aftur á toppi ítölsku úrvalsdeildarinnar í kvöld með 2-1 sigri á Inter.

Þetta var toppslagur deildarinnar á Ítalíu og Napoli komst á toppinn með 31 stig en Inter situr eftir í öðru sæti, stigi á eftir.

Higuain kom Napoli yfir strax á annarri mínútu en Yuto Nagatomo fékk svo að líta sína aðra áminningu á 45. mínútu. Inter lék því manni færri allan síðari hálfleikinn.

Argentínumaðurinn Higuain jók forystuna í 2-0 á 62. mínútu en Adem Ljajic minnkaði muninn fyrir Inter fimm mínútum síðar. Nær komst liðið ekki.




Fleiri fréttir

Sjá meira


×