Erlent

Nakti byssumaðurinn handtekinn í skóglendi

Ingvar Þór Björnsson skrifar
Travis fannst í skógi nálægt Nashville eftir rúmlega sólarhringsleit.
Travis fannst í skógi nálægt Nashville eftir rúmlega sólarhringsleit. Vísir/AFP
Lögreglan í Nashville hefur handtekið Travis Reinking sem skaut fjóra til bana á veitingastaðnum Vöffluhúsinu (e. Waffle House) í Tennessee-ríki í Bandaríkjunum í gærnótt. Honum tókst að flýja vettvang og hafði verið leitað síðan. BBC greinir frá.

Travis var í grænum jakka einum klæða þegar hann réðst inn á veitingastaðinn og skaut tvo til bana fyrir utan veitingastaðinn og tvo til viðbótar þegar inn á staðinn var komið. Reinking fór úr jakkanum og lagði á flótta eftir árásina.

Um 160 lögreglumenn tóku þátt í leitinni sem stóð yfir í rúman sólarhring. Hann fannst í skóglendi í nágrenni við borgina með skammbyssu og skotfæri.


Tengdar fréttir




Fleiri fréttir

Sjá meira


×